Ma tchi wala 2:17 - Bible azumeina

¹⁷ Kayam ndata, an gol kaka kur duniyad’a ni vama ndjendjed’a iranu, an we sun nda suma a lat yam andagad’a ka hid’a pet ni vama ndjendjed’a mi, an golî vama hawa ya’â d’igi sana mi dik simetna na.

Ma tchi wala 2:17 ပူးပေါင်းရင်းမြစ်များ

1 Amuleina 19:4

wani mam tamba mi i iram abagei hur fulâ, mi le burâ sop ki tita, mi i kak kä ad’u agu ma gorâ, mi tchen Alona ala mi mid’a. Mi dala: Ma didina, ki tchetchemba, an ndak wa ang hlan muzuganu, kayam an kal nga abuyon ngolo d’i.

Wana ni mbaktumba hi Job-pa 14:13

Ladjï ang ngeyen kä ata yima azuleina, ladjï ang ngeyen kä gumun gak ayî mangâ mi kal lei kanu, ladjï ang ngan yima ala ang mba hulong djib’era kanu na,

Sawal la giled’a 89:47

Ma didina, ang mba ngei tang hina gak mindja ge? Ayî mangâ mba mi fo ni d’igi akud’a na gak su?

Ma tchi wala 1:14

An gol sun nda a nga lat yam andagad’a ka hid’a pet. An gol ni sun nda hawa yaka, ni d’igi sana mi dik simetna na mi.

Ma tchi wala 1:17

An he tan á wäd’u ned’a ki guruta ki lilid’a, wani an we zla ndata ni d’igi sana mi dik simetna hawa na.

Ma tchi wala 2:11

Bugola, an gol sun nda an lat kabonda hina pet ki kau d’a an kawat yam sun nda an lata hina pet, wani an gol ahle ndazina hina pet nahle suma hawa ya’â, ni d’igi sana mi dik simetna na mi. Vama djivi nga ka hî yam andagad’a tu d’i!

Ma tchi wala 2:22

Sana mi fe ni me yam sun nda mi he tam kat á led’a kur duniyad’a ka hî ki ndakid’a ge?

Ma tchi wala 3:16

Wana ni vama an wum yam andagad’a ka hina: Asa’ata ti vrak balum sariya d’a ka d’a irata, asa’ata ti vrak balum d’ingêra mi.

Ma tchi wala 4:2

An djib’er ala suma a bo da na a nga ki furîd’a kal suma a nga ki irazina.

Ma tchi wala 4:3

Sama a vud’um nga d’uo tua na, mi nga ki furîd’a kala, kayam mam we nga sun nda ata yat tuo d’a suma a nga lat yam andagad’a ka hid’a d’uo tua.

Ma tchi wala 6:9

Hotei ang we va ki ira kal la ang le d’od’oka yam ahlena tetenga. Ndata ni sun nda hawa yaka d’igi sana mi dik simetna na d’a.

Ezekiyel 3:14

Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Jonas 4:3

Ki tchetchemba, Ma didina, ang tchanu! An mit pî ni hotei, kal la an kak ki iranda!

Jonas 4:8

Kid’a afata deîd’a, Alona mi mba ki simet ma hluruk d’igi d’üguna na na. Afata ti nde yam Jonas, mi seyâ, mi tchen Alona ala mi tchumu. Mi dala: An mit pî ni hotei, kal la an kak ki iranda!

Habakuk 1:3

Ni kayam me ba, ang aran an nga ni gol tchod’a, ang nga gol djop vuna ki irang na ge? Hurumba ki huwaka a nga avoronu, ayîna ki yalâ a tchol akulo mi.

Ndumba 11:15

Le ang lan ni na ni, hotei ang tchanu. Le ang wan hohowonu ni, ar an we ndak manda ki iran ndi.