Ma tchi wala 2:16 - Bible azumeina

¹⁶ Kayam a nga djib’er yam ma ned’a gak didin kal ma lilid’a d’i, bur ma avina a mba mar kazi zla tazi djak. Ma ned’a mba mi mit ni d’igi sama lilid’a na mi.

Ma tchi wala 2:16 ပူးပေါင်းရင်းမြစ်များ

2 Samuel 3:33

Amulâ nga mi ge horâ yam Apner, mi dala: Apner mi ndak á mit d’igi sama lilid’a na zu?

Sawal la giled’a 103:16

Ata yima simetna mi sir kama, mi felem mbeyo; blangâm mi ar kä hawa papana mi.

Sawal la giled’a 49:10

Mi ndak á kak didin ndi, mi ndak á kak bei matna d’uo mi.

Sawal la giled’a 88:12

A mba de woi yam o mang nga didinda ki d’engzeng manga ata yima azuleina, d’oze kur zul la yiyik ka suma a ba woi kuad’a zu?

Buzuk ka Abud’a 1:6

Josef mi mit zlapa ki b’oziyoma pet, ki suma a mba kabum kur atchogoi ndatina pet mi.

Buzuk ka Abud’a 1:8

Amul ma awili ma we nga Josef fuo na, mi te yam Ezipte.

Zla d’a d’ogolâ 14:8

Ned’a hi sama ned’id’a ti tagamî tit mamba, wani lilid’a hi suma lilid’id’a ni mbut ira.

Ma tchi wala 1:11

Sa nga mi djib’er yam vama mi kal leina d’i; ahle suma a mba mba bugolâ, sa nga mi djib’er kazi d’uo mi.

Ma tchi wala 2:14

Sama ned’a nga mi we yima mam i kuana, wani sama lilid’a mi tit ni kur nduvunda. Wani an we vana tu nga mi djubuzi zla tazi djak!

Ma tchi wala 2:15

An de kurun ala: Vama nga mi mba yam sama lilid’ina, mba mi mba kan an ni hina mi! Ni kayam me ba, an he tan á mbut sama ne ma kalâ ge? An de kurun ala: Doli ni sun nda hawa yaka d’ei.

Ma tchi wala 6:8

Ma ned’a mi kal ma lilid’a ni ki me ge? D’oze vama djivi ma ma hou ma nga mi tit d’ingêr avok suma yam andagad’a ka hina, vama mi fuma ni me ge?

Ma tchi wala 7:2

Hotei ang i kur azì ma a nga tchi matna kuana, kal la ang i kur azì ma a le te ma luna kuana. Matna ni dabid’a hi suma pet. Ar nge nge pî, mi djib’er yam ndata.

Ma tchi wala 8:10

Ata yi máma an we suma a tos suma asa’atna kur zula. Sum ndazina a hulongî a nga suburuzi kur lovota, a mar rei yam sun mazi d’a asa’at ta azi lata. Wana ni sun nda hawa yaka d’ei.

Ma tchi wala 9:15

Sama hou ma ned’a mi nga kur azì máma, mi sut azì máma woi ki ne mamba. Wani sa mi djib’er nga yam ma hou máma bugol li.

Ma tchi wala 9:5

Kayam ndata, suma a nga ki irazina a wala azi mba bo, wani suma matna a we nga va d’i. Wurak nga kazi d’i, kayam a mar kazi woi da’.

Malatchi 3:16

Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.