Ma tchi wala 12:5 - Bible azumeina

⁵ Kur bur máma suma a nga ngom vun azinina a mba zlaga, suma gangrangâ a mba dodong kä, suma a nga lutna a mba ar bei lutna kayam azi ar akid’eid’a, suma a nga gol ir fenetred’ina a mba we zizimit.

Ma tchi wala 12:5 ပူးပေါင်းရင်းမြစ်များ

Ad’u Tinda 42:38

Jakob mi hulong dum ala: Hawa yak! Gorona nga mi i ki sed’egi d’i! Wiyema mit teyo, mam arî vam tu. Le vama tcho mbaza kam glovot kur tit magid’a ni, agi mba kalan azulei kä ki mamaran ni ki yor tad’a.

Ad’u Tinda 44:29

Le agi vagi ma wana kua, le vama tcho lum sä glovod’o ni, agi mba kalan azulei kä ki mamaran ni ki yor tad’a, kayam an djeng wa mamara.

Ad’u Tinda 44:31

le mi we nga gor máma ki sed’emi d’uo ni, mam mba mi mid’a. Ami azungeî mangâ mba kalami abumi azong mangâ azulei kä ki mamaram ki yor tad’a.

Wana ni mbaktumba hi Job-pa 15:10

Suma yazi abusina ki momorogeina a nga adigamiya, bizazi ablaud’a kal abung mi.

Wana ni mbaktumba hi Job-pa 17:13

Le an tin hurun ala yima azuleina mi mbut ni azì man ma kaka, le an tin azang man ma burâ kä kur nduvunda,

Wana ni mbaktumba hi Job-pa 30:23

An wala ang mba in kur matna ata yima suma arina a mba i kuana.

Sawal la giled’a 71:18

Alo mana, an djeng wa mamara, yan deî wa abusa, ang aran dei d’i tala an tak ad’eng manga mi suma kur atchogoi d’a wanda, an tak sib’ik manga mi suma kur atchogoi d’a nga d’i mbad’a mi d’a.

Zla d’a d’ogolâ 16:31

Abusa navaval la subura, ni kur tit ta d’ingêra ba, sana mi fad’u.

Zla d’a d’ogolâ 20:29

Ad’enga nahle suma tchuka hazungeînina, abusa nahle suma min tad’a hi momorogeinina mi.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Isai 46:4

Gak agi mbud’ugi momorogeid’a an nga ni na. An mba ni ndjunugi gak yagi d’i ndeî abusa, an mba ni zigiya, an mba ni hulong zigi kua, an mba ni ndjunugiya, an mba ni sud’ugi mi.

Jeremi 1:11

Ma didina mi dan ala: Jeremi, ang we ni me ge? An hulong dum ala: An we agu amandena.

Jeremi 9:16

An mba ni ndjoyôzi woi aduk andjaf suma abuyozi ngolo a wazi d’oze azi tazi a wazi nga d’uo na, an mba ni sun ayî ma durâ blogozi gak ni dabazi woyo.

Sunda hi suma hi Levi-nid’a 19:32

Ang tchol akulo avok sama mamarâ, ang hum ngola, ang ring mandara an Alo mangâ, kayam an ni Ma didina.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.