Ma tchi wala 12:1 - Bible azumeina

¹ Ang azongâ, ang le furîd’a kur azong manga, ang le furîd’a kurung krovo ata yima ang nga kazongina, ang le vama hurung minima, ang tit kur lovot ta ang wat djivid’a iranga. Wani ang we woi tetet ala Alona mba mi yang ata yima ka sariyad’a.

Ma tchi wala 12:1 ပူးပေါင်းရင်းမြစ်များ

Ad’u Tinda 39:2

Ma didina mi nga ki Josef; sun nda mam nga mi lata pet, nga d’i labom djivid’a. Mi nga avo hi salam ma Ezipte-na.

Ad’u Tinda 39:23

Ma ngol máma nga mi djib’er yam ahle suma mi hazi abo Josef-fâ d’uo d’a. Kayam Ma didina mi nga ki Josef, ahle suma mi lazina pet nga mi faziya.

2 Samuel 19:35

Ki tchetchemba, bizan ni dok klavandi, an ndak á wal ir vama djivina ki vama tchona zu? An azong mangâ ni ndak á man vama te ki vama tche d’ei zu? An ndak á hum del azungeîna ki yugunei suma a nga hle sawalina d’ei zu? Ni kayam me ba, an azong mangâ ni ndak á tining ang salana amul mana aneka kang ngei ge?

2 Samuel 19:36

An azong mangâ ni djagangî alum ma Jurdê-na go. Ni kayam me ba, ang dok han wurak ndata hina d’ei ge?

1 Amuleina 14:13

Israel-lâ pet a mba tchimu, a mba tozom mi. Aduk suma hi Jerobowam-ma pet ni mam tu ba, a mba tozomu, ni mam tu aduk suma avo hi Jerobowam-ma ni vama djivi ma le Ma didina Alona hi Israel-lîna tam djivid’ina.

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

Nehemi 4:14

Bugol la an i á gol yina tetenga, an de mi suma nglona ki suma avok sumina kablau suma pet suma a nga ata yi mámina ala: Ar agi lagi mandara magi suma djangûna d’i. Agi djib’eregi yam Salad’a ala ni Ma ngol ma kal papana, agi durugi ayîna yam b’oziyogina, yam grogi suma andjofâ ki suma aropma, yam amiyôgina, yam aziyagi mi.

Wana ni mbaktumba hi Job-pa 30:2

Nad’enga me ba, an fat adjeu abo azi sumala ad’engêzi dap peyo na ge?

Sawal la giled’a 119:55

Ma didina, andjege dangâla an nga ni djib’er yam simiyêng á ngom gat manga.

Sawal la giled’a 34:11

Azlona groma ahlena a nga kid’agaziya, meid’a nga d’i tchazi mi, wani suma a nga hal Ma didinina, vama djivi ma bei azi fuma nga d’i.

Sawal la giled’a 63:6

An mba ni hop pei kahle suma djivina d’igi te ma djivi ma mbulâ na, an mba ni le furîd’a, an mba ni gileng mi.

Sawal la giled’a 90:10

Bizami ni dok kid’iziya, suma ad’engâ, mazid’a ni dok klavandi mi. Hina pet pî, sun mat ta led’a ni ndaka ki hohoud’a; nga d’i kal lei atogo; ami nga bomi mi.

Zla d’a d’ogolâ 22:6

Ang tak gogorâ lovot ta mi ndak á tit kura, le mi djeng mamara pî, mba mi d’es sei kurut ti.

Zla d’a d’ogolâ 8:17

An nga ni le yam suma a le kana, suma a nga halana a mba fan mi.

Ma tchi wala 11:2

Ang b’rau te mangâ mi suma ad’u kid’iziya d’oze ad’u klavandi, kayam ang we nga ndaka nga d’i mba yam andagad’id’a d’i.

Ma tchi wala 11:8

Le sana mi le bizad’a ngola yam andagad’a ni, ar mi le furîd’a kur biza ndata pet. Ar mi djib’er yam bur ma ablau ma nduvun ma mam mba mi luma. Ahle suma a nga mba ndazina pet nahle suma hawa ya’â.

Isai 26:8

Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Hor ma tchina 3:27

Djivid’a yam sana á zi dju’â ni kazong tam dei.

Daniel 1:17

Alona mi he wad’ud’a ki wed’a ngola kur hata ki ned’a mazungeî suma fid’i ndazina. Daniel nga mi vad’ud’a yam ahle suma nde ir sumina kadï d’a ded’a woi mi.

Wana ni mbaktumba hi Oze-d’a 7:9

Andjaf suma dingâ a nga tazi ad’engêziya, wani azi nga we d’i. Abusa nga d’i deî kazi ko, wani azi nga we d’uo mi.

Wana ni Zla d’a Djivi d’a Luc mi b’irita 1:15

Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

Wana ni Zla d’a Djivi d’a Luc mi b’irita 18:16

Wani Jesus mi yï gugurei ndazina gevemu, mi de mi mam suma hata ala: Agi aragi gugureina a mbeï gevenu. Ar agi d’elezi d’i, kayam leud’a hAlonid’a ni yam suma d’igi azi na na.

Efes-sâ 6:4

Agi abuyod’a, ar agi djogi grogina ki zlad’a d’i, wani agi wuluzi akulo, agi gad’aziya, agi had’azi zlad’a hi Salad’id’a mi.

Gat ta a hat á mbàd’id’a 8:18

Agi djib’eregi yam Ma didina Alo magina. Ni mam ba mba mi hagi ad’enga á fahle suma ndjondjoî ndazina á ndak vun ahle ndazina d’igi mam lazi ini na yam vun ma djin ma mam djinim kabuyogi ngolona.

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.

1 Samuel 1:28

Kayam ndata, an hum mi Ma didina ki iram fafat; mam arî mama. Azi grif kä avok Ma didina, a kud’uromu.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.

1 Samuel 2:26

Wani Samuel nga mi wula, nga mi le Ma didina tam djivid’a, nga mi le suma tazi djivid’a mi.