Ma tchi wala 11:8 - Bible azumeina

⁸ Le sana mi le bizad’a ngola yam andagad’a ni, ar mi le furîd’a kur biza ndata pet. Ar mi djib’er yam bur ma ablau ma nduvun ma mam mba mi luma. Ahle suma a nga mba ndazina pet nahle suma hawa ya’â.

Ma tchi wala 11:8 ပူးပေါင်းရင်းမြစ်များ

Wana ni mbaktumba hi Job-pa 10:21

avok ka an nde ni i ata yima sä nga mi hulongî woi kua d’uo ma yam andaga d’a nduvun nda ad’u anguza matnid’a,

Wana ni mbaktumba hi Job-pa 10:22

ni yam andaga d’a nduvun nda i’îlik ka ad’u anguza matna ata yima batranga nga d’i te yamba kuana, d’oze ata yima b’od’a ni d’igi nduvunda na na.

Wana ni mbaktumba hi Job-pa 14:10

Wani le sana mi mid’a ni, zlam dap da’. Gagazi, sana mi mid’a, a dok fumî lara d’ei ge?

Wana ni mbaktumba hi Job-pa 14:12

Hina mi, le sana mi mid’a ni, nga mi hulong tchol akulo d’uo d’a; bei akulod’a kal lei ba ni, mi nga mi zlit akulo d’i, sa mba mi zlid’im akulo kur sen mam ma dabid’a d’uo mi.

Wana ni mbaktumba hi Job-pa 15:23

Mi nga mi tcha tata á hal tena, mi wala bur ma nduvunda nga mi djubumu.

Wana ni mbaktumba hi Job-pa 18:18

A mba digim mbei kur b’od’a á im kur nduvunda, a mba digim mbei yam andagad’a mi.

Sawal la giled’a 49:20

Wani mba mi i ad’u abuyom ngolo ata yima azulei ma azi ndak á we b’od’a d’uo gak didina.

Ma tchi wala 11:2

Ang b’rau te mangâ mi suma ad’u kid’iziya d’oze ad’u klavandi, kayam ang we nga ndaka nga d’i mba yam andagad’id’a d’i.

Ma tchi wala 2:15

An de kurun ala: Vama nga mi mba yam sama lilid’ina, mba mi mba kan an ni hina mi! Ni kayam me ba, an he tan á mbut sama ne ma kalâ ge? An de kurun ala: Doli ni sun nda hawa yaka d’ei.

Ma tchi wala 2:17

Kayam ndata, an gol kaka kur duniyad’a ni vama ndjendjed’a iranu, an we sun nda suma a lat yam andagad’a ka hid’a pet ni vama ndjendjed’a mi, an golî vama hawa ya’â d’igi sana mi dik simetna na.

Ma tchi wala 2:19

Sama mba mi vra’â le ni ma ne, le ni ma liliya, sa mi we nga d’i. Wani mba mi kak yam ahlena pet suma an lazi kur duniyad’a ka hî ki kaud’a ki ne mandina. Hina pet pî, ni sun nda hawa yaka d’ei.

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Ma tchi wala 4:16

Suma mam te kazina ni suma ndak á ndumba d’uo na pî, suma a nga mba bugolâ tazi mba d’i lazi djivid’a kam mbi. Hina pet pî, ni sun nda hawa yaka d’igi sana mi dik simetna na d’a.

Ma tchi wala 4:8

Gola! Sana mi ni vam hina tu, ndram nga d’i, wiyem nga d’uo mi na, gorom nga d’uo mi. Nga mi le sunda bei ara ba, nga mi hal ndjondjoîd’a burâ ki burâ, nga mi djop tam ala mam le sun ndata na ni yam nge ba, nga mi bur sen nduo ge? Ndata ni sun nda hawa yak ka tcho d’a kala.

Ma tchi wala 6:11

Ata yima zla d’a de d’a nga kua wü na, zla d’a de d’a hawa yaka nga kua mi. Sana mi fe ni djiviya me kua ge?

Ma tchi wala 6:6

Le mam le bizad’a dudubud’a yam mbà bei mi kak ki halasa ni, djivi mata ni me? Suma pet a i nata yima tuna d’uo zu?

Ma tchi wala 7:14

Bur ma djivina ang le furîd’a, bur ma tchona ang djib’er mi, kayam Alona mi lazi pet nabo tazi tu. Kayam ndata, sana mi ndak á wäd’u vama nga mi mba kam avina d’i.

Ma tchi wala 8:12

An we le ma le tchod’a, mi le tchod’a yam kis, nga mi te ngola tatâ yam andagad’a pî, an wala suma a nga le mandara Alonina a mba kak ki halasa kayam azi nga le mandarâ avoromu.

Ma tchi wala 8:15

Kayam ndata, an nga ni he ngola mi furîd’a, kayam vama djivi ma yam sana ka hî yam andagad’ina nga d’i. Ni ted’a ki tched’a ki furîd’a hol. Wana ni vama djivi ma ki sed’em kur sun mamba kur bur ma Alona mi humzi yam andagad’a ka hina.

Ma tchi wala 9:7

Ang i te te mangâ ki furîd’a, ang tche süm guguzlu manga ki hur ma hapma, kayam Alona tam lum djivid’a yam sun manga da’.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Matiye 22:13

Ata yi máma, amulâ mi de mazungeî mama ala: Agi djinigizi asem kabomu, agi gumza abu woi kur nduvunda; ni yima suma a mba tchi a mba mut siyazi kua ngolina.

Jean 12:35

Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.

Gat ta a hat á mbàd’id’a 32:29

Ladjï azi ni suma ned’a ni, a mba wäd’u ahle ndazina, a mba djib’er yam ahle suma a mba mba kazina.

Jude 1:18

Azi dagi ala: Kur bur ma danana, suma las suma a mba mba, ni suma a tit kur d’od’ok mazi d’a tchod’ina.