Ma tchi wala 10:19 - Bible azumeina

¹⁹ Suma a le tena ná aîd’a, a le süm guguzlud’a ná furîd’a, beged’a ti ndak á lahlena pet mi.

Ma tchi wala 10:19 ပူးပေါင်းရင်းမြစ်များ

Ad’u Tinda 43:34

Josef mi hazi te ma avoroma, wani mi he mi Benjamin kal yam ma hi b’oziyomina yam vahl; azi tche süma ki sed’em gak a nde sanda.

2 Samuel 13:28

Apsalom mi he vuna mazungeî mama ala: Agi tinigi iragi yam Amnon ped’et. Le mi nde wa le furîd’a ki süm guguzlud’a, le an dagi ala: Agi tchumu ni, agi tchum mbeyo! Agi lagi mandar ri. Ni an ba ni hagi vuna d’uo zu? Vagi tagi ad’enga, kagagi nandjofâ!

1 Sunda Hamuleinid’a 21:24

Wani amulâ David mi de mi Ornan ala: Nga na d’i! An guzumî guza abongû! An nga ni he va mangâ mi Ma didina d’i, an nga ni he vama an guzum nga d’uo na he d’a hawa d’a ngala mi Ma didina Alo mana d’uo mi.

Esdras 1:6

Ndrozi sumazina a ndjunuzi kahle suma sunda, lora kahlena teteng, d’uwarâ kahle suma guzuzi ngolina bei ndum he d’a hawa d’a kur min mazid’id’a ba mi.

Nehemi 5:8

An dazi kua ala: Ami mbud’umi yam b’oziyoi Juif suma a guzuzi woi kur magomba abo andjaf suma dingîna ndak yam ad’eng mamid’a. Wani agi tagid’a nga guzugi b’oziyogina woi abo sum meina wa d’ei zu? Ata yi máma a seng silil, a fe nga zla d’a a hulongôndji ded’id’a d’i.

Ester 1:10

Kur bur ma kid’iziyana amulâ tam mbi lum djivid’a yam süm guguzlu d’a mi tchata, mi yi azungeî mam suma kid’iziya suma a ngom aropmina, nala, Mehuman, Bista, Harbona, Bikta, Abakta, Zetar ki Karkas mi.

Sawal la giled’a 104:15

Ang hazi süm guguzlud’a kayam mi lazi tazi djivid’a, ang hazi mbulâ kayam tazi d’i mbut aklongîd’id’a, ang hazi avuna kayam azi fad’enga mi.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Ma tchi wala 2:3

An nga hurun á le furîd’a ki süm guguzlud’a á ndjun vun suma lilid’a. Hina pî, an nga ni te yam hliwinu. An min á wäd’u vama djivi ma suma a nga lum yam andagad’a ka hî ki kak mazi d’a yam andagad’a ka hid’a.

Ma tchi wala 9:7

Ang i te te mangâ ki furîd’a, ang tche süm guguzlu manga ki hur ma hapma, kayam Alona tam lum djivid’a yam sun manga da’.

Isai 23:18

Fe mata ki wurak mat ta ndjendjed’a, a mba mbut nahle suma a tinizi irazi vazi mi Ma didinina, a mba togozi d’oze a ngomozi d’i, a mba mbut ni te ma hop suma ki baru ma djif ma suma a nga kaka avok Ma didinina a tchugum atazina.

Isai 24:11

A nga tchi ir palumba, kayam süm guguzlud’a nga d’uo d’a, furî mazid’a nga d’uo d’a, sama le furîd’a yam ambasina nga d’i, furîd’a ti dap pei kur ambasa da’.

Matiye 17:27

Wani ar ei hazi djib’era d’i. Ang i kur apod’a, ang ge tunglîd’a kä aduk mbina. Kuluf ma vavo’â, ang tanam akulo, ang ngom vunam mbeyo, ang mba fe gurzud’a kua. Ang yod’u, ang wurak kanu, ang wurak kang mi.

Matiye 19:21

Jesus mi hulong dum ala: Le ang min ndak memed’u ni, ang i gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

Wana ni Zla d’a Djivi d’a Luc mi b’irita 12:19

An mba ni de mi tan ala: Ang nga kahlena ngola kur avureina á le bizad’a ablaud’a. Ang tuk tangû, ang te, ang tche, ang le furîd’a.

Wana ni Zla d’a Djivi d’a Luc mi b’irita 16:9

An nga ni dagiya, vagi banad’a ki ndjondjoî magid’a kur duniyad’a. Ata yima ti dapma, a mba vagi atazi kur azì ma didina.

Wana ni Zla d’a Djivi d’a Luc mi b’irita 8:3

Jan atchad’a hi Kuza ma nga mi ngom ahlena hi Herot-nina ki Suzan karop suma dingâ ablaud’a. A nga ndjun Jesus azi ki mam suma hata kahle mazi suma djivina.

Sunda hi suma a sunuzinid’a 11:29

Suma hata a nga huruzi ala nge nge pî mi he vama ndak yam ad’eng mamba, a sun ahle suma ndjunda mi b’oziyod’a suma avo Jude-na mi.

Sunda hi suma a sunuzinid’a 2:45

Azi gus ahle suma avo hatazina woi beged’a, a b’rawat aduk tazi pet. Nge nge pî mi fe ndak yam min mamba.

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.

Suma ka sariyad’a 14:10

Samson abum mi i avo hi gor atcha ndata, Samson mi le te ma luna kua d’igi gro azungeîna a nga le na.

Suma ka sariyad’a 9:13

Wani guguzlud’a ti hulong dum ala: An ni ar süm man ma le Alona ki suma tazi djivid’ina woi ta ba, ni i talal akulo yam agu ma dingâ zu?

1 Samuel 25:36

Abigayel ti mba avo. Ti fe Nabal mi le nga te ma luna d’igi luna hamulîna na. Nabal mi le furîd’a ngola, mi gurut tei mi. Ndat dum nga zla tu d’i gak yina fo.