Ma tchi wala 1:6 - Bible azumeina

⁶ Bur ma dingâ simetna nga mi sir iram abo ma sutna, bur ma dingâ nga mi sir iram abo ma norâ, nga mi ngui tita balum asem burâ ki burâ. Bugola, mi hle lovot ta mi hlat adjeud’a.

Ma tchi wala 1:6 ပူးပေါင်းရင်းမြစ်များ

Wana ni mbaktumba hi Job-pa 37:17

Ang we ni nana ba, baru mangâ mi vang tang d’ut ata yima andagad’a ti b’leng kä djedjet abo simet ma abo ma sutnina ge?

Wana ni mbaktumba hi Job-pa 37:9

Simet ma ngolâ nga mi tcholï abo ma sutna, ab’lenga nga d’i tcholï abo ma norâ mi.

Sawal la giled’a 107:25

Mi de zlad’a, babar ma ngolâ mi tchol akulo bibik, mi labilâ ngola heî mi.

Sawal la giled’a 107:29

Mi d’el babarâ; babarâ tchol b’et, abilâ ba mi.

Ma tchi wala 1:7

Alum ma gureina pet mi i ni djangâ kä kur alum ma ngolâ, wani alum ma ngolâ nga mi oî d’i. Wani alum ma gureina nga mi i avogovok ata yima mam nga mi djang kuana.

Ma tchi wala 11:5

D’igi ang nga we yima simetna mi tcholï kuana d’oze ang nga we djeng nga gorâ nga mi djeng kur atcha d’a wirîd’a d’uo na, ang nga we sunda hAlo ma lahlena petnid’a d’uo mi.

Jonas 1:4

Wani Ma didina mi tchol ki simet ma ngolâ mi sir yam aluma; abil ma ngolâ mi giget batod’a, ti ar go á kusa.

Matiye 7:24

Jesus mi had’azi kua ala: Kayam ndata, sama lara ma hum zla man nda an data ma le sunda katna, mi hle tamî d’igi sama ne ma mi min aziyam yam ahinad’ina na.

Matiye 7:27

Alona mi se, mbiyo ma kä na mi kuza, babarâ mi le bibik giget gong ndata mi, ti to kä woi ndjandjap, ti b’lak kei kakazeî mi.

Jean 3:8

Simetna nga mi sira yima mi min i kuana. Ang nga hum siwel mamba, wani ang nga we yima mi tcholï kuana d’i, d’oze yima mi i kuana d’uo mi. Suma pet suma Muzu’â hAlonina mi vud’uzina, ni hina mi.