Matiye 9:35 - Bible azumeina

³⁵ Jesus nga mi ngui tita kur azì ma nglona kazì ma gureina pet. Nga mi had’azi kur gongîyo mazi suma toka, nga mi tchazi wal Zla d’a Djivi d’a yam leud’a hAlonid’a, nga mi sud’uzi woi kur andjaf tugud’ei mazid’a teteng ki suma homozed’a pet mi.

Matiye 9:35 ပူးပေါင်းရင်းမြစ်များ

Matiye 10:1

Jesus mi yi mam suma hata dogo yam mbà. Mi hazi ad’enga á dik muzuk ma tchona woi kur suma, á sut suma woi kur andjaf tugud’ei mazid’a teteng ki suma homozed’a pet mi.

Matiye 11:1

Kid’a Jesus mi hat mam suma hat suma dogo yam mbàna hata, mi tchol ata yi máma, mi i á hat suma, á tchi wala kur azì máma mi.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Marik 1:14

Ata yima a ge Jean dangeina dana, Jesus mi mba kur ambas sa Galile-d’a, mi tchi wal Zla d’a Djivid’a hAlonid’a.

Marik 6:56

Ata yima lara pet ma nga mi kal kuana, kur azì ma nglona, azì ma gureina kazì ma kelâ pet, suma a nga tchuk suma tugud’eid’a ad’u su’â kä, a nga tchenem ala mi arazi a domî vun baru mamba go. Suma pet suma a dotna a tchol akulo woi kur tugud’ei mazid’a.

Marik 6:6

Mi le atchap kayam azi he nga gagazid’a kam mbi. Bugola, Jesus nga mi ngui tita kur azina teteng, nga mi had’azi mi.

Wana ni Zla d’a Djivi d’a Luc mi b’irita 13:22

Jesus nga mi kal kur azì ma nglona ki ma gureina, nga mi hat suma, mi hle lovota á i Jerusalem.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.