Matiye 9:15 - Bible azumeina

¹⁵ Jesus mi dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i! Wani burâ nga mi mba, a mba hle sala tela woi adigaziya. Kur bur máma, a mba d’el tazi bei te tena tua.

Matiye 9:15 ပူးပေါင်းရင်းမြစ်များ

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Matiye 9:14

Bugola, suma hata hi Jean ma le suma batembina a mba gen Jesus, a djobom ala: Ni kayam me ba, ami ki Fariziyêna d’elemi tami bei te tena, wani mang suma hata a nga d’el tazi bei te tena d’uo ge?

Matiye 9:16

Sa nga mi dup ir baru ma adjeuna ki baru ma awilina d’i. Le mi le na ni, baru ma awilina mba mi haû ma adjeuna woyo. Haû ndata mba d’i kal la avoka.

Marik 2:19

Jesus mi hulong dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i. Ata yima sala tela mi nga ki sed’ezina, a ndak á d’el tazi bei te tena d’i.

Marik 2:20

Wani burâ nga mi mba, a mba hle Sala tela woi adigaziya. Kur bur máma a mba d’el tazi bei te tena tua.

Wana ni Zla d’a Djivi d’a Luc mi b’irita 17:22

Jesus mi de mi suma hata ala: Bur máma mba mi mba ata yima agi min á we burâ tu hi an Gor Sanina, wani agi mba wum mbi.

Wana ni Zla d’a Djivi d’a Luc mi b’irita 5:34

Jesus mi dazi ala: Agi ndak á d’elegi suma sala tela mi yazi yam tenina kid’a mi nga ki sed’ezi tua d’a zu? Nga na d’i.

Wana ni Zla d’a Djivi d’a Luc mi b’irita 5:35

Wani burâ nga mi mba, a mba hle sala tela woi adigaziya. Kur bur máma a mba d’el tazi bei te tena.

Jean 16:6

Yam zla d’a an dangzid’a, agi hurugi nga mi hat ngola.

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Sunda hi suma a sunuzinid’a 14:23

A man suma nglona, a tinizi kur Tok ka lara ge pet. A d’el tazi bei te tena, a tchen Alona kaziya, a hazi abo Sala ma azi hum gagazid’ina.

1 Korente-na 7:5

Agi d’elegi tagi d’i, agi minigi tagi ndjö, ar agi ndjagagi vunagi á tchen Alona tua ba, agi hulong zlabagiya. Hina wani, Seitan mba mi fe lovota á kugugi d’i, kayam agi nga kad’enga á d’el hliu tagi d’i.

2 Korente-na 11:27

An le sunda ngola ki ndaka. An ba bei bur sena yan ablaud’a, meid’a tchanu, vunan so mi. Yan ablaud’a an fe nga vama te d’i. Ab’lenga lanu, an fe nga baru d’a tchuka atan ndi.

Vama ndum mbeina 19:9

Malaikana mi dan ala: Ang b’ir kur mbaktumba ala: Suma a yazi kur tela hi Gor timinid’a a le furîd’a. Mi de kua ala: Zla ndata ni zla d’a gagazid’a hAlonid’a.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.