Matiye 8:34 - Bible azumeina

³⁴ Wani suma kur azinina pet a buzuk keyo, a i fe Jesus. Kid’a azi wumba, a tchenem ala mi nde woi yam andaga mazid’a.

Matiye 8:34 ပူးပေါင်းရင်းမြစ်များ

1 Amuleina 17:18

Asum mbi de mi Elie ala: Ang sana hAlonina, vama ndolon ki ang ni me ge? Ang mbeï avo hatan ná ge hum Alona yam tcho manda á tchan gorona woi zu?

1 Amuleina 18:17

Ata yima mi wuma, mi dum ala: Ni ang ma mba ndaka yam Israel-lîna d’ä?

Wana ni mbaktumba hi Job-pa 21:14

Wani a nga de mAlona ala: Ang huttcha woi gevemi dei, ami min tid’imi yam gat manga d’i.

Wana ni mbaktumba hi Job-pa 22:17

Sum ndazina a de mAlona ala: Ang huttcha woi dei ki sed’emiya! Ma ad’engêm kal petna mi ndak á lei me ge?

Amos 7:12

Amasiya mi de mi Amos ala: Ang sama vana nde tam mbei irangâ, ang tchola, ang ring yam ambas sa Juda-d’a, ang te te mangâ sä kua, ang djok vuna sä kua mi.

Matiye 8:29

Wani sum ndazina a er ad’uzi akulo, a dum ala: Vama mi ndolong ki ami ni me ge? Ang Alona Goroma, ang mba ka hî á lami ndaka bei yina ndak su?

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Wana ni Zla d’a Djivi d’a Luc mi b’irita 8:28

Ata yima mi we Jesus-na, mi er ad’um akulo, mi ge tam kä avoromu, mi dum ki delem mba ngola ala: Vama mi ndolong ki an ni me ge? Jesus Alo ma sä akulo ma kal teglesâ Goroma, an nga ni tchenengû, ang lan ndaka d’i.

Sunda hi suma a sunuzinid’a 16:39

Azi mba á labaziya. Kid’a a buzuguzi woi abud’a, a tchenezi ala a arazi azì mazi ma ngolâ.

Gat ta a hat á mbàd’id’a 5:25

Ki tchetchemba, ni kayam me ba, ami bomi woi ge? Kayam aku d’a ngol la wanda mba d’i ngalami woyo. Le ami humumi ni dela hi Ma didina Alo meinid’a hina tetewu ni, ami mba bomi woyo.

1 Samuel 16:4

Samuel mi le d’igi Ma didina mi dum na. Kid’a mi i Betelehem-mba, suma nglo suma kur azinina a d’ugulomu, a nga ki mandarâ, a djobom ala: Ang mba ni hawa ko zu?