Matiye 8:28 - Bible azumeina

²⁸ Kid’a Jesus mi mbaza abo apod’a woi hî yam andaga d’a Gadaren-nda, suma mbà suma a nga ki muzuk ma teteng ma tchona kuruzina, a buzuk kei angra asud’a, a ngavamu. Azi ni suma asa’at suma sa mi ndak á kal kur lovot ndata abozi d’uo d’a.

Matiye 8:28 ပူးပေါင်းရင်းမြစ်များ

Ad’u Tinda 10:16

Suma Jebus-sâ, suma Amor-râ, suma Girgas-sâ,

Ad’u Tinda 15:21

hi suma Amor-râ, hi suma Kanan-na, hi suma Girgas-sâ, hi suma Jebus-sâ mi.

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Matiye 8:27

Wani sum ndazina a le atchap, a dala: Ni sama me ba, simetna ki mbiyo apod’a pî a ge yazi kä ad’um na ge?

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Gat ta a hat á mbàd’id’a 7:1

Moise mi dazi kua ala: Ma didina Alo magina mba mi kalagi kur ambas sa agi mba hlata, mba mi dik andjaf ma ablauna woi avorogiya, nala, suma Het-na, suma Girgas-sâ, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ, andjaf ma kid’iziya máma, nandjaf ma ablau ma sib’ik mamba kalagina.

Suma ka sariyad’a 5:6

Kur atchogoid’a hi Samgar Anat goromid’a, kur atchogoid’a hi Jayel-la, suma tita a ar lovot ta nglod’a woyo, suma a nga titna a tit ni kur lovot ta gurei d’a gunda.