Matiye 8:13 - Bible azumeina

¹³ Jesus mi de mi ma azigarâ abom kisâ ala: Ang iya, mba le ki sed’eng ndak yam he gagazi manga. Ata yi máma, azong mama mi tchol akulo mi.

Matiye 8:13 ပူးပေါင်းရင်းမြစ်များ

Ma tchi wala 9:7

Ang i te te mangâ ki furîd’a, ang tche süm guguzlu manga ki hur ma hapma, kayam Alona tam lum djivid’a yam sun manga da’.

Matiye 15:28

Ata yi máma, Jesus mi hulong dat ala: Atchad’a, he gagazi maka ngola. Mba le ki sed’ek d’igi ndak min na. Ata yi máma, gorota ti tchol akulo woi kur tugud’ei mata.

Matiye 17:20

Mi hulong dazi ala: Kayam he gagazi magid’a akid’eid’a. Gagazi, an nga ni dagiya, le he gagazi magid’a ni d’igi ir mutarâ na ni, agi dagi mahina d’a wanda ala: Ndak pat tak iza hî ni, mba d’i pat ti i mi. Vama mba mi hlagi abod’ina nga d’i. [

Matiye 8:4

Jesus mi hulong dum ala: Ang gol tang djiviya. Ang de mi sa d’i, wani ang iya, ang simat tang mi ma ngat buzuna mAlona, ang he vama ngat buzuna ma Moise mi he vuna kama he d’a hawad’a yam yak manga á tagazi woi ala ang yak wa woi da d’a.

Matiye 9:22

Wani Jesus mi mbut iram mi golod’u, mi dat ala: Goronda, ndak ve tagu, he gagazi maka sud’uk wa da’. Ata yi máma, buzu mat ma djang mi ka mi.

Marik 7:29

Ata yi máma, Jesus mi dat ala: Kayam de maka, ndak i avo. Muzuk ma tchona mi nde wa woi kur goroka da’.

Marik 9:23

Jesus mi dum ala: Ni kayam me ba, ang dala: Le ang ndaga ge? Sama he gagazid’ina, mi ndak á lahlena pet.

Jean 4:50

Jesus mi dum ala: Ang iya, gorongâ mi tchol wa akulo. Sa máma mi he gagazid’a yam zla d’a Jesus mi dumzid’a, mi iya.