Matiye 7:7 - Bible azumeina

⁷ Jesus mi had’azi kua ala: Agi tchenegi Alona, mba mi hagiya; agi halagi va, agi mba fagiziya; agi dabagi vun gonga, a mba malagiziya.

Matiye 7:7 ပူးပေါင်းရင်းမြစ်များ

Ad’u Tinda 26:32

Wani kur bur máma tamba azungeîna hi Isa’â a mba, a dum ala: Ami kami golonga, ami fami mbina da’.

1 Amuleina 3:5

Kid’a Salomon mi sä Gabawon tua d’a, Ma didina mi dum adïd’a andjege ala: Ang tchenen vama ang minima, an ni hangziya!

Sawal la giled’a 10:17

Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

Sawal la giled’a 10:4

Wana ni djib’era hi sama asa’atnid’a ki yam mba ad’eng mamba nga mi dala: Alona mba mi van ki zlad’a d’i! Kur djib’er mamba pet mi dala: Alona mi nga d’i!

Sawal la giled’a 119:12

Ma didina, an nga ni suburungû! Ang had’an gat manga.

Sawal la giled’a 27:8

An djib’er yam zla d’a ang dat ala: Agi halagi á wan iranu d’a. Ni kayam ndata ba, Ma didina, an nga ni hal á wang irangû.

Sawal la giled’a 34:4

Agi hagi ngola mi Ma didina zlapa ki anu; ei pet suburum simiyêm mi.

Sawal la giled’a 37:4

Ang le furîd’a yam Ma didina, mam mba mi hang vama hurung minima mi.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 69:32

Ma didina, wana ni vama lang tang djivid’a kal amuhlâ, kal amuhl ma digili ma ad’eng ma an hangzina.

Sawal la giled’a 70:4

Suma a nga de kan ala: Tchuhu! Tchuhu! na, ar azi hulong kazigazi abo zulo mazina.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Zla d’a d’ogolâ 8:17

An nga ni le yam suma a le kana, suma a nga halana a mba fan mi.

Sawal la kal teglesa 3:2

Kayam ndata, an nga ni tchola, an mba ni ngui hur azì ma ngolâ ir palumba, ata yima suma a nga tok kuana mi, an mba ni hal ma an hurum vum heîna. An halamu, an fum nga d’i.

Isai 30:19

Agi suma Siyon suma nga kaka Jerusalem-ma, agi mba tchigi d’uo d’a. Fata agi yumba, mba mi vagi sumad’a! Ata yima mba mi hum tchi maginina, mba mi hulongôgi humba mi!

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Amos 5:4

Ma didina mi de mi Israel-lâ ala: Agi halan-ngïya, va mba mi lagi d’i.

Matiye 18:19

Gagazi, an nga ni dagi kua, le suma mbà adigagi ka hî yam andagad’ina a ndjak vunazi tu yam vama azi tchenem kama ni, Abun ma sä akulona mba mi haziziya.

Matiye 21:22

Ahlena pet vama agi tchenegi kam ki he gagazid’ina, agi mba fumu.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Matiye 7:11

Le agi suma tchona agi wagi á hahle suma djivina mi grogina na ni, Abugi ma sä akulona mba mi hahle suma djivina mi suma a nga tchenema kal luo zu?

Matiye 7:8

Kayam nge nge pî ma nga mi tchena, Alona mba mi humu; sama nga mi halâ, mba mi fe; sama nga mi dap vun gongina, a mba malamziya.

Marik 11:24

Kayam ndata, an nga ni dagiya, le agi tchenegi va ata Alona, le agi tinigi hurugi kam ala agi fum wa ni, Alona mba mi hagizi hina mi.

Wana ni Zla d’a Djivi d’a Luc mi b’irita 13:25

Fata samazina mi tchol wa, mi duk wa vun gonga ni, agi mba tchologi abua, agi mba ndagi tum vun gonga, agi mba dagi ala: Salamina, ang malami vuna. Mam mba mi hulong dagi ala: An we nga yima agi tchologï kuana d’i.

Wana ni Zla d’a Djivi d’a Luc mi b’irita 18:1

Jesus mi dazi zla d’a d’ogola á had’azi a tchen teteu bei tazi tchuk lus ba.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Jean 15:7

Le agi nga kaka zlapa tu ki sed’enu, le zla manda nga kaka kurugi mi ni, agi tchenegi ni me pî ma agi minigizi abo Abuna, agi mba fagiziya.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Romê-na 3:11

Sama wad’u nga d’i, sama hal Alona nga d’uo mi.

Hebre-na 11:6

Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.

Jacques 5:15

Tchen nda a tchenet ki he gagazid’id’a mba d’i sut sama tugud’ei máma, Salad’a mba mi tcholom akulo mi. Le mi le tchod’a ni, Alona mba mi vat hurum mbei kamu.

1 Jean 3:22

Vama lara pî ma ei nga tcheneizina, ei nga feizi abomu, kayam ei nga ngomei vun ma he mama, ei nga lei ahle suma a lum tam djivid’ina mi.