Matiye 7:22 - Bible azumeina

²² Kur bur máma, suma ablaud’a a mba dan ala: Salamina, Salamina, ami djogomi zlad’a hAlonid’a woi ki simiyêng ngi? Ami digimi muzuk ma tchona woi ki simiyêng ngi? Ami lami sun nda ngol la atchapa ki simiyêng ngi?

Matiye 7:22 ပူးပေါင်းရင်းမြစ်များ

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Ndumba 24:4

Wana ni zlad’a hi an ma ni hum zlad’a hAlonid’ina, hi an ma ni wahle suma Ma ad’engêm kal petna mi ndandji woi irana, kayam mi nde tam mbei iran ata yima an nga ni kud’uroma:

Ndumba 31:8

A tchi amulei suma Madiyan-na vahl, nala, Evi, Rekem, Sur, Hur ki Reba, a tchi Baläm ma Beyor goromina ki mbigeu d’a fiyaka mi.

Matiye 10:15

Gagazi, an nga ni dagiya, kur bur ma ka sariyad’a, sariya d’a a mba kat yam azì ma ngol mámid’a, kal la a kat yam Sodom ki Gomor-ra.

Matiye 24:36

Jesus mi had’azi kua ala: Wani yam zla mbad’a hi bur máma ki ler ndatid’a, sa nga mi we d’i, d’oze malaika suma sä akulona, d’oze an tan Gorâ pî, ni we nga d’i; nAbui Alona tu gid’eng ba, mi we.

Matiye 25:11

Bugola, yugunei suma hiuna a mba, a dala: Salamina, Salamina, ang malami vuna.

Matiye 7:21

Jesus mi had’azi kua ala: Suma pet suma a nga yan ala Salamina, Salamina na, a mba kal kur leu d’a akulod’a pet ti, wani ni suma a nga le minda hAbun ma sä akulona hol.

Wana ni Zla d’a Djivi d’a Luc mi b’irita 10:12

An nga ni dagiya, kur bur ma ka sariyad’a, sariya d’a a mba kat yam azì ma ngol mámid’a mba d’i kal sariya d’a a kat yam Sodom-mba.

Jean 11:51

Mi de zla ndata ni yam tam mbi, wani kayam mam mi ma ngol ma ngat buzuna kur biza ndata, mi djok vuna avok yam Jesus ala mba mi mit yam andjaf Juif-fâ,

1 Tasaloni’â 5:4

Wani b’oziyomina, agi nga kur nduvunda tala bur máma mi mba kagi dumuzi d’igi sama kula mi mba yam suma na d’a d’i.

2 Tasaloni’â 1:10

Kur bur máma suma hAlonina a mba suburumu, suma he gagazid’ina pet a mba humu. Agi nga adigazi mi, kayam agi hagi gagazid’a yam glangâs ma ami lagizina.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

2 Timote 1:18

Ar Salad’a mi wum hohowom kur bur máma. Ang we sun nda mam lat ki sed’en avo Efes-sa tetet.

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.