Matiye 6:16 - Bible azumeina

¹⁶ Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Matiye 6:16 ပူးပေါင်းရင်းမြစ်များ

2 Samuel 12:16

David mi tchen Alona yam gor máma, mi d’el tam bei te tena. Ata yima mi kal klavina, mi burî kä andaga.

2 Samuel 12:21

Azungeî mama a dum ala: Ad’u zla d’a ang lat ndata nana ge? Kid’a gorâ nga ki iramba, ang d’el tang bei te tena, ang tchi mi. Ki tchetchemba, gorâ mi mid’a; ang tchola akulo, ang nga te tena!

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

Nehemi 1:4

Kid’a an hum zla ndatid’a, an kak kä nga ni tchiya, an le burâ ablaud’a kur djib’era, an d’el tan bei te tena, an nde tchen Alo ma akulona.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Sawal la giled’a 109:24

Guguvan mi nde zlak abo d’el tad’a bei te tenid’a, hliwin mi kar itna hirndjing mi.

Sawal la giled’a 35:13

Wani ata yima azi nga tugud’eid’ina, an tchuk dodora atanu, an mbut tan hohoud’a, an d’el tan bei te tena, an tchen Alona kazi ki yan tchoka kä.

Sawal la giled’a 69:10

Tan nga d’i lan zlezleû yam gong manga, ngul la suma a nga ngulunga ti hulong kanu.

Daniel 9:3

An d’el tan bei te tena, an tchuk baru d’a ndjondjorod’a atanu, an tchuk butna kanu, an mbut iran gen Salad’a Alona á tchenem ki labiyad’a.

Malatchi 3:14

Agi dagi ala: Ei tchi tei á le sunda mAlona ni hawa. Kid’a ei nga ngomei gat mamba ei tid’i ki hohoud’a avoromba, ei fei ni me abo Ma didin ma ad’engêm kal petna ge?

Matiye 6:1

Jesus mi had’azi kua ala: Agi gologi tagi djiviya, ar agi lagi sun magi d’a djivid’a ni ir suma go d’i. Le agi lagi na ni, agi mba fagi wuraka abo Abugi ma sä akulona d’i.

Matiye 6:2

Kayam ndata, ang le nga he he d’a hawa manga mi suma houd’a ni, ar ang tchi wala kat d’igi suma lop ira a nga le kur gongîyo mazi suma toka ki grak lovota na d’i. A le hina kayam suma a suburuziya. Gagazi, an nga ni dagiya, a fe wa wurak mazid’a da’.

Matiye 6:5

Jesus mi had’azi kua ala: Ata yima agi nga tchenegi Alonina, agi lagi d’igi suma lop ira na d’i, kayam azi min á tchol akulo kur gongîyo mazi suma toka á tchenda, d’oze grak lovota á tchenda, kayam suma a waziya. Gagazi, an nga ni dagiya, a fe wa wurak mazid’a da’.

Marik 2:18

Suma hata hi Jean ma le suma batembina azi ki Fariziyêna, a nga d’el tazi bei te tena. Suma a mba ata Jesus, a dum ala: Ni kayam me ba, suma hata hi Jean ma le suma batembina azi ki suma hata hi Fariziyêna, a d’el tazi bei te tena, wani mang suma hata a nga d’el tazi d’uo ge?

Wana ni Zla d’a Djivi d’a Luc mi b’irita 18:12

Kur burâ kid’iziya an d’el tan bei te tena yan mbà, an he yam ahle mana dima pet mi.

Wana ni Zla d’a Djivi d’a Luc mi b’irita 2:37

Ti kak modonod’a bizad’a dok klavandi yam fid’i. Ti ar nga gong nga kud’ora hAlonid’a d’i, nga d’i kud’or Alona ki d’el tad’a bei te tena ki tchenda andjege ki faleya.

Sunda hi suma a sunuzinid’a 10:30

Kornei mi dala: Ini ni bur ma hindina, ata yima an nga ni tchen Alona avo hatan kid’a afata tchuk siyata. Atogo hina zak, sana mi nga tchola avoron ki baru ma wile wiwilika atamu.

Sunda hi suma a sunuzinid’a 14:23

A man suma nglona, a tinizi kur Tok ka lara ge pet. A d’el tazi bei te tena, a tchen Alona kaziya, a hazi abo Sala ma azi hum gagazid’ina.

1 Korente-na 7:5

Agi d’elegi tagi d’i, agi minigi tagi ndjö, ar agi ndjagagi vunagi á tchen Alona tua ba, agi hulong zlabagiya. Hina wani, Seitan mba mi fe lovota á kugugi d’i, kayam agi nga kad’enga á d’el hliu tagi d’i.

2 Korente-na 11:27

An le sunda ngola ki ndaka. An ba bei bur sena yan ablaud’a, meid’a tchanu, vunan so mi. Yan ablaud’a an fe nga vama te d’i. Ab’lenga lanu, an fe nga baru d’a tchuka atan ndi.

2 Korente-na 6:5

A nga tomiya, a nga tchugumi dangeina, a nga siwel kamiya. Ami nga kur sun nda kaud’a, ami nga burumi sen ndi, ami nga fami tena d’uo mi.