Matiye 6:10 - Bible azumeina

¹⁰ Ar ang mba á te leu manga yam andagad’a. Ar suma a le min manga yam andagad’a d’igi a nga lat sä akulo na mi.

Matiye 6:10 ပူးပေါင်းရင်းမြစ်များ

Nehemi 9:6

Ni ang Ma didina tu ba, lakulod’a kahle suma kurutna pet, andagad’a kahle suma kurutna pet, alum ma nglona kahle suma kuruma pet mi. Ahle ndazina pet ang hazi arid’a, ahle suma akulona pet a nga grif kä avorong mi.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Daniel 7:13

Kid’a an nga ni gol vama nde tam mbei iran andjegena tua d’a, an gol wani, sana nga mi djï yam dugula d’igi gor sana na, mi mba, mi hut gen ma abizei ma dedei máma, a mbamzi avoromu.

Daniel 7:27

Leud’a, yam mba ted’a ki ngola hi suma kur leu d’a yam andagad’a ka hid’a pet, a mba hat mi suma Ma sä akulo ma kal teglesâ mi tinizi irazi vazina. Leu mam mba ted’a ni leu d’a gak didinda. Suma te yamba pet a mba lum sunda, a mba ge yazi kä avorom mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Matiye 12:50

Kayam sama lara pî ma nga mi le minda hAbun ma sä akulonina, mi ni wiyena ki wiyenda, nasun mi.

Matiye 16:28

Gagazi, an nga ni dagiya, suma dingâ a nga aduk suma tchola kä wana a mba bo d’i, gak azi mba wan an Gor Sana mba ni mbeï kamul manda.

Matiye 26:42

Mi i yam á mbàd’a, mi tchen ala: Abunu, le kop ma wana ndak á kal lei kan bei an tchumu ni, ang le nata min manga.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Matiye 4:17

Ata yi máma, Jesus mi tin ad’u tchi wala ala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Matiye 7:21

Jesus mi had’azi kua ala: Suma pet suma a nga yan ala Salamina, Salamina na, a mba kal kur leu d’a akulod’a pet ti, wani ni suma a nga le minda hAbun ma sä akulona hol.

Marik 11:10

Ar Alona mi b’e vunam yam sama nga mi mba te leud’a habui ngolo David ta nga d’i mbad’ina. Suburi Alo ma sä akulona.

Marik 3:35

Kayam sama lara pî ma nga mi le minda hAlonid’ina, mam mi wiyena, ni wiyenda, nasun mi.

Wana ni Zla d’a Djivi d’a Luc mi b’irita 19:11

Jesus mi de zla d’a d’ogola kua mi suma a mba á hum zla ndatina. Azi djib’er ala Alona nga mi mba ni ka tchetchem á te leu mamba, kayam mam mi go ki Jerusalem.

Wana ni Zla d’a Djivi d’a Luc mi b’irita 19:38

A dala: Ar Alona mi b’e vunam yam amul ma ngol ma mi mba ki simiyê Ma didinina. Agi suma sä akulona, agi kagagi ki b’leng nga halasa, agi suburugi Alona mi.

Wana ni Zla d’a Djivi d’a Luc mi b’irita 22:42

Mi dala: Abunu, le ang mina ni, ang hle kop ma ayî ma wana woi kanu, wani ang le nata min manda d’i, wani ang le nata min manga. [

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

Sunda hi suma a sunuzinid’a 13:22

Kid’a mi pat Saul woi dad’a, mi tin David amul mazina. Alona mi le glangâsâ kam ala: An fe David Jesse goroma ni sama an hurun vum heîna, ni ma mba mi ndak vun ahlena pet suma an min ni lazina.

Sunda hi suma a sunuzinid’a 21:14

Ata yima ami ndagami á d’elem mbi, ami dami ala: Ar Salad’a mi le min mamba.

Sunda hi suma a sunuzinid’a 22:14

Mi dan ala: Alona habuyoi ngolona mi manang avok á we min mamba, á we mam Ma d’ingêrâ, á hum zla d’a tcholï avunamba mi.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Efes-sâ 6:6

Ar agi lagi ni ir suma a lazi tazi djivid’a go d’i, wani agi lagi minda hAlonid’a ki hurugi pet d’igi magumeina hi Christ-sâ na mi.

Kolos-sâ 1:13

Ni Ma pad’ei woi kur leu d’a nduvunda hi Seitan-ndina, mi tini kur leud’a hi Gorom ma mam le kam heînid’a.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

1 Tasaloni’â 4:3

Wana ni vama Alona mi minima: Ar agi kagagi ni suma mi tinigi iragi vagina ala ar agi walagi woi ki mizeuna,

1 Tasaloni’â 5:18

Agi lagi mersi mAlona yam ahlena pet. Wana ni minda hAlona d’a yam kak magid’a zlapa tu ki Jesus Christ.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Hebre-na 10:36

Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama.

Hebre-na 10:7

Kayam ndata, an dala: Alo mana, Gola! An mba wa á le min manga, d’igi a b’irin zlan kur mbaktum manga na.

Hebre-na 13:21

Ar Alona mi mbud’ugi suma ndak memetna yam sun nda djivi d’a lara ge pet á le min mamba. Ni ma nga mi le sun nda djivid’a kuri yam Jesus Christ á lum tam djivid’ina. Ni Jesus Christ ma ei suburum gak didina. Amin!

1 Pierre 2:15

Wani ni minda hAlonid’a kayam sun magi d’a le d’a djivid’a ba, agi nga d’elegi lilid’a hi suma bei wed’id’a.

1 Pierre 4:2

Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 12:10

Bugola, an hum del la ad’eng nga ti tcholï akulod’a, ti dan ala: Ki tchetchemba, suta kad’enga ki leud’a hAlo meinid’a kad’enga hi Christ mamid’a a mba wa, kayam ma tchuk zlad’a yam b’oziyoina avok Alo meina andjege ki faleina, a gumïya wa kä woi yam andagad’a da’.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.

Vama ndum mbeina 20:4

An we zlumiyô suma amula. Suma a nga kaka kazina a hazi ad’enga á ka sariyad’a. An we tad’a hi suma a ngad’azi yazi kayam a tchi wal zla d’a gagazi d’a Jesus mi ndat teid’a ki zlad’a hAlonid’ina. Ni azi suma a kud’or nga ambur máma ki vama a yoromzina d’uo na, ni azi suma a ve nga nomrod’a hambur mámid’a avorozi d’oze bigazi d’uo mi na. Azi tchol akulo, a nga karid’a á te leud’a ki Christ bizad’a dubu.