Matiye 5:48 - Bible azumeina

⁴⁸ Kayam ndata, ar agi lagi ahlena memet d’igi Abugi ma sä akulona nga mi lahlena memet na mi.

Matiye 5:48 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

2 Samuel 22:31

Alona lovot mamba ni d’ingêr, Ma didina zla mamba, suma a wat ala ni zla d’a irata. Mam mi mbareid’a hi suma pet suma a deng tazi atama.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Sunda hi suma hi Levi-nid’a 11:44

An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i.

Sunda hi suma hi Levi-nid’a 19:2

Ang i de mablaud’a hi Israel-lîd’a ala: Agi kagagi ni suma yed’etna, kayam an Ma didina Alo magina ni Ma bei tchod’a ba na.

Sunda hi suma hi Levi-nid’a 20:26

Agi kagagi ni man suma yed’etna, kayam an Ma didina ni Ma bei tchod’ina. An walagi kandjaf suma dingâ ni kayambala agi kagagi ni sum mana d’a.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Matiye 5:45

Hina wani, agi mba mbud’ugi nAbugi ma sä akulona groma, kayam nga mi deî afata yam suma tchona, yam suma djivina mi, nga mi se alona yam suma djivina, yam suma tchona mi.

Matiye 5:47

Le agi gagi ni b’oziyogina depa holu ni, agi kalagi suma hiuna ni ki me ge? Andjaf suma bei wAlona pî a nga le hina mi d’uo zu?

Wana ni Zla d’a Djivi d’a Luc mi b’irita 6:36

Agi wagi hohowa suma d’igi Abugi mi we hohowa suma na mi.

Wana ni Zla d’a Djivi d’a Luc mi b’irita 6:40

Ma hata nga mi kal ma had’ama d’i, wani sama lara ma ndak vun hat mambina, mba mi mbut ni d’igi ma had’ama na.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

2 Korente-na 13:9

Le ami namangeîd’a, le agi nga kad’enga ni, ami nga lami furîd’a kayam ndata. Ami nga tchenemi Alona kagi ala agi ndagagi memet.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Efes-sâ 3:1

Kayam ndata, an Paul ma dangei ma yam Jesus Christ yam agi andjaf suma dingîna, an nga ni tchen Alona kagiya.

Gat ta a hat á mbàd’id’a 18:13

Kayam ndata, agi hagi tagi pet mi Ma didina Alo magina.

Gat ta a hat á mbàd’id’a 27:10

Agi gagi yagi kä ad’u zla mamba, agi tid’igi yam vun mam ma hed’a ki gat mamba suma an hagizi inina.

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

Jacques 1:4

Ar ve ta magid’a ti le sun nda djivid’a pet, kayam agi ndagagi memet yam ahlena pet, ar va kid’agagi d’uo mi.

1 Jean 3:3

Nge nge pî ma nga ki hur ma tin mama yam Christ-sâ, nga mi ngom tam yed’et, d’igi Christ tamba ni Ma bei tchod’a ba na mi.