Matiye 5:33 - Bible azumeina

³³ Jesus mi had’azi kua ala: Agi humugi a de kua mi suma adjeuna ala: Ang gun tang ir aboina d’i, wani ang ndak vun vama ang gun tang kam avok Ma didinina.

Matiye 5:33 ပူးပေါင်းရင်းမြစ်များ

Sawal la giled’a 50:14

Agi hagi vama ngat buzu ma le mersid’a mi an Alo magina, agi ndagagi vun vun ma hle ma agi hlandji mi an Ma sä akulo ma kal teglesâ.

Sawal la giled’a 76:11

Gagazi, ayîna hi sumina mba mi suburungû; suma a prut tei abo ayî mangîna a mba le furîd’a ki sed’engû.

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Sunda hi suma hi Levi-nid’a 19:12

Agi gunugi tagi ir gurzula ki simiyên ndala agi lazan simiyên an Alo mangîna d’uo d’a, kayam an ni Ma didina.

Matiye 5:21

Jesus mi had’azi kua ala: Agi humugi zla d’a a dat mi suma adjeuna ala: Ang tchi sa d’i. Sama tchi sanina, sariyad’a mba d’i vumu d’a.

Matiye 5:27

Jesus mi had’azi kua ala: Agi humugi zla d’a a dat mi suma adjeuna ala: Ang le mizeuna d’uo d’a.

Gat ta a hat á mbàd’id’a 23:21

Moise mi de kua ala: Le agi hlagi vunagi á he va mi Ma didina Alo magina ni, agi lagi lilinga á hagizi d’i. Le d’uo ni, Ma didina Alo magina mba mi djobogi kamu, agi mba mbud’ugi ni suma tchona.

Gat ta a hat á mbàd’id’a 23:23

Wani le agi hlagi vunagi yam va ni, agi tid’igi kamu, agi ndagam memet d’igi zla d’a ti ndavunagi kur min magid’a yam vama agi hlagi vunagi kam mi Ma didina Alo maginina na mi.

Gat ta a hat á mbàd’id’a 5:11

Ar ang yi simiyên an Ma didina Alo mangâ kä hawa d’ad’ar ri, kayam an mba ni ar sama yan simiyên kä hawa d’ad’arâ bei ngopa d’i.

Gat ta a hat á mbàd’id’a 6:13

Agi lagi mandara Ma didina Alo magina, agi lum sunda ni mam tu go, agi gunugi tagi ni ki simiyêm hol mi.

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.