Matiye 5:28 - Bible azumeina

²⁸ Wani an nga ni dagiya, sama gol atchad’a hi sama dingîd’a mi le d’od’oka katna, mi le wa mizeuna ki sed’et kurum da’.

Matiye 5:28 ပူးပေါင်းရင်းမြစ်များ

Ad’u Tinda 34:2

Sikem, Hamor amul ma Hef ma yam andaga ndatina goroma, mi wad’u, mi vad’u, mi bur ki sed’et mi b’lagad’u.

2 Samuel 11:2

Ki fladeged’a David mi tchol akulo ata yam ma burâ, nga mi ngui tita akulo yam gong nga amula, mi watchad’a tu nga d’i mbuza; ti djif heî.

Wana ni mbaktumba hi Job-pa 31:1

Job mi de kua ala: An hle vunan ki gun tad’a ala: An dok ni le d’od’oka yam gor wei d’uo d’a.

Wana ni mbaktumba hi Job-pa 31:9

Le hurun mi le d’od’oka katcha d’a dinga, le an i ni bur kä avun azina hi ndranina ni,

Sawal la giled’a 119:96

An we dabid’a hahle suma djivinid’a pet, wani vun mang ma hed’a, dabi mamba nga d’i.

Buzuk ka Abud’a 20:17

Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.

Zla d’a d’ogolâ 6:25

Ar ang le d’od’oka kurung yam djif matna d’i, ar ti vang ki irat ta bizeina d’i.

Ezekiyel 23:16

Kid’a ti wazi avok kikidjid’a, e’eû mata ti zud’ut ataziya, ti sun suma kazi avo Babilon.

Sunda hi suma hi Levi-nid’a 18:20

Ar ang bur katchad’a hi ndrangâ á mbut tang ndjendjed’a ki sed’et ti.

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Matiye 5:39

Wani an nga ni dagiya, agi sagi atchugulugi ki sama nga mi lagi tchod’ina d’i, wani kala, le sana mi mbereng agozlong ma ndjufâ ni, ang mbud’um ma gulana mi.

Romê-na 7:14

Ei wei ala gata ni hi Muzu’îd’a, wani an ni sama kur hliuna, an ni magoma hi tchod’ina mi.

Gat ta a hat á mbàd’id’a 22:22

Le a ve sana mi bur katcha d’a a telet tei dad’a ni, mandjufâ katchad’a djak, agi tchazi woyo. Hina wani, agi mba d’elegi tcho d’a led’a woi aduk Israel-lâ.

2 Pierre 2:14

Irazi nga tinda yam aropma teteu á le mizeuna ki sed’eziya. Azi ndak á ar tchod’a d’i. Azi nga ve suma amangeîna ki dauna. Djib’er mazid’a nga zud’uzi á le d’od’ok ka fe beged’a. Azi ni suma Alona mi gazi vunina.

1 Jean 2:16

Kayam ahle suma kur duniyad’ina pet ni djib’er ra tchod’a hi hliu tad’id’a ki d’od’oka hi irid’a ki subur ta d’a hawa yaka. Ahle ndazina a tcholï nga nata Abui Alona d’i, wani a tcholî kur duniyad’a ka hî.