Matiye 5:18 - Bible azumeina

¹⁸ Gagazi, an nga ni dagiya, akulod’a kandagad’a a mba kal leyo, wani b’ir ra klera d’oze ta ndeb’eka hi gatid’a ti mba d’i kal lei d’i, gak ahle ndazina pet a ndak tua.

Matiye 5:18 ပူးပေါင်းရင်းမြစ်များ

Sawal la giled’a 102:26

Ni ang ba, läd’u andagad’a avok dedei; akulod’a ni sun nda ang lat kabonga.

Sawal la giled’a 111:8

mi nga ni kaka hina gak didin, mi ni gagazid’a ki d’ingêra mi.

Sawal la giled’a 119:152

An we woi adjeu dei ala vun mang ma hed’a ang tinimî á kak gak didin.

Isai 40:8

Asuna mi so woi b’o mamba ti yak kei mi, wani zlad’a hAlo meinid’a mba d’i ar gak didin.

Isai 44:26

An nga ni ndak vun zla d’a azungeî mana a data, an nga ni ndak vun zlad’a hi man suma an sunuzi avo’â a data, an nga ni de yam Jerusalem ala: Suma a mba kak kurud’u, an nga ni de yam azì ma nglo ma Juda-na ala: A mba hulong minim akulo, an mba ni hulong min yi mam ma b’lak keina akulo mi.

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Matiye 10:15

Gagazi, an nga ni dagiya, kur bur ma ka sariyad’a, sariya d’a a mba kat yam azì ma ngol mámid’a, kal la a kat yam Sodom ki Gomor-ra.

Matiye 10:23

Ata yima azi nga lagi ndaka kur azì ma dingîna, agi ringîgi kur ma dingâ. Gagazi, an nga ni dagiya, agi mba dabagi azì ma nglona hi Israel-lîna nguid’a pet ti, an Gor Sana mba ni mba.

Matiye 10:42

Sama lara pî ma he mbiyo ma b’lengâ kur kopma mi ma gor ma aduk man suma hatina kayambala mam ni man ma hata d’a ni, gagazi, an nga ni dagiya, Alona mba mi wuragamu.

Matiye 11:11

Gagazi, an nga ni dagiya, aduk suma aropma a vud’uzina pet, ma kal Jean ma le suma batembina ki ngolina nga d’i. Wani ni ma gor ma nga kur leu d’a akulod’ina ba, mi kalam ki ngola.

Matiye 13:17

Gagazi, an nga ni dagiya, suma djok vun Alona azi kablau suma d’ingêrâ a min á wahle suma agi wazina, wani azi wazi nga d’i; azi min á hum vama agi humuma mi, wani azi humum nga d’uo mi.

Matiye 16:28

Gagazi, an nga ni dagiya, suma dingâ a nga aduk suma tchola kä wana a mba bo d’i, gak azi mba wan an Gor Sana mba ni mbeï kamul manda.

Matiye 17:20

Mi hulong dazi ala: Kayam he gagazi magid’a akid’eid’a. Gagazi, an nga ni dagiya, le he gagazi magid’a ni d’igi ir mutarâ na ni, agi dagi mahina d’a wanda ala: Ndak pat tak iza hî ni, mba d’i pat ti i mi. Vama mba mi hlagi abod’ina nga d’i. [

Matiye 18:18

Jesus mi had’azi kua ala: Gagazi, an nga ni dagiya, vama agi djinim ka hî yam andagad’a, mba mi ka’î djinda sä akulo hina mi; vama lara ma agi bud’um ka hî yam andagad’ina, mba mi ka’î buta sä akulo hina mi.

Matiye 18:3

Gagazi, an nga ni dagiya, le agi mbud’ugi nga tagi d’igi gogor ma wana hina d’uo ni, agi mba kalagi kur leu d’a akulod’a d’i.

Matiye 19:23

Jesus mi de mi mam suma hata ala: Gagazi, an nga ni dagiya, ad’enga ngola heî ki sama ndjondjoîna á kal kur leu d’a akulod’a.

Matiye 19:28

Jesus mi hulong dazi ala: Gagazi, an nga ni dagiya, fata Alona mba mi mbut ahlena pet awilid’a ata yima an Gor Sana mba ni kak yam zlam manda suburina, agi suma dogo yam mbà suma nga tid’igi ad’una, agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna mi.

Matiye 21:21

Jesus mi hulong dazi ala: Gagazi, an nga ni dagiya, le agi nga ki he gagazid’a bei gigrita ni, agi mba lagi ni vama le ki tuluma wana go d’i, wani le agi dagi mahina d’a wanda ala: Ndak pat tak ge tak kur alum ma ngolâ pî ni, mba d’i pat mi.

Matiye 21:31

Aduk suma mbà ndazina, sama mi le minda habumbina ni nge ge? A hulong dum ala: Ma avo’â. Jesus mi dazi ala: Gagazi, an nga ni dagiya, suma ve lombod’a azi karop suma gaulangâ a nga kal kur leud’a hAlonid’a avorogiya.

Matiye 23:36

Gagazi, an nga ni dagiya, ahle ndazina pet a mba hulong yam agi suma kur atchogoi d’a wandina.

Matiye 24:2

Wani Jesus mi hulong dazi ala: Agi wagi nga ahle ndazina pet tuo? Gagazi, an nga ni dagiya, ahina d’a a mba arat akulo yam ndrat ahinad’a bei hôt kä woid’a nga d’i.

Matiye 24:47

Gagazi, an nga ni dagiya, salama mba mi tinim yam ahle suma avo hatama pet.

Matiye 25:12

Wani mi hulong dazi ala: Gagazi, an nga dagiya, an wagi nga d’i.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Matiye 25:45

Ata yi máma, an amulâ mba ni hulong dazi ala: Gagazi, an nga ni dagiya, ata yima agi lagi nga va mi ma gor ma kid’ak aduk gugurei suma wana d’uo na, agi lum mbuo ni mi anu.

Matiye 5:26

Gagazi, an nga ni dangû, ang mba nde woi ata yi máma d’i, gak ang mba wurak bal mangâ pet tua.

Matiye 6:16

Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Matiye 6:2

Kayam ndata, ang le nga he he d’a hawa manga mi suma houd’a ni, ar ang tchi wala kat d’igi suma lop ira a nga le kur gongîyo mazi suma toka ki grak lovota na d’i. A le hina kayam suma a suburuziya. Gagazi, an nga ni dagiya, a fe wa wurak mazid’a da’.

Matiye 8:10

Kid’a Jesus mi hum zla ndatid’a, mi le atchap, mi de mi suma a nga tit ad’uma ala: Gagazi, an nga ni dagiya, aduk Israel-lâ pet pî, an fe nga he gagazi d’a ngol la hina d’a d’i.

Marik 10:15

Gagazi, an nga ni dagiya, sama lara pî, le mi ge yam kä yam leud’a hAlonid’a d’igi gogorâ hina d’uo ni, mba mi kal kurut ti.

Marik 10:29

Jesus mi hulong dazi ala: Gagazi, an nga ni dagiya, sama ar aziyam mbei d’oze b’oziyom suma andjuveina d’oze b’oziyom suma aropma d’oze abum mboze asum mboze groma d’oze asinem mbei yam anu, yam Zla d’a Djivid’a mi na,

Marik 11:23

Gagazi, an nga ni dagiya, le sama lara pî ma de mahina d’a wanda ala: Ndak pat tak ge tak kur alum ma ngolâ, wani le mi le nga gigrit kurum mbuo, le mi tin hurum yam vama mi duma ala mba mi le ni, a mba lumzi hina mi.

Marik 12:43

Jesus mi yi mam suma hata gevem mi dazi ala: Gagazi, an nga ni dagiya, atcha d’a modono d’a hohou d’a wanda, ti tchuk beged’a kal suma ding suma a tchuk beged’a kur zandu’îna pet.

Marik 13:30

Gagazi, an nga ni dagiya, suma kur atchogoi d’a wandina a mba bo pet ti, gak ahle ndazina pet a mba le tua.

Marik 14:18

Kid’a azi nga avun tenid’a, Jesus mi dazi ala: Gagazi, an nga ni dagiya, sana tu adigagi ni ma nga mi te ki sed’ena, mba mi han abo suma.

Marik 14:25

Gagazi, an nga ni dagiya, an dok ni tche süm guguzlud’a bugol luo d’a, gak bur ma an mba ni tche ma awilina ki sed’egi sä kur leud’a hAlonid’ina.

Marik 14:30

Jesus mi hulong dum ala: Gagazi, an nga ni dangû, kur andjege d’a inid’a, bei ahle’â mi hel hel la mbàd’a tua d’a, ang mba tin vunang kan tata yang hindi ala ang wan nga d’i.

Marik 14:9

Gagazi, an nga ni dagiya, ata yima lara ge pet ma suma a mba tchi wal Zla d’a Djivid’a kua yam andagad’a petna, a mba de woi yam vama atcha ndata ti luma á djib’er kad’u.

Marik 3:28

Gagazi, an nga ni dagiya, Alona mba mi vat hurum mbei yam tcho d’a pet ta hi sumid’a ki las sa suma a nga lazata pet.

Marik 6:11

Ata yima lara pet ma azi vagi nga atazi d’uo a humugi nga d’uo mi na ni, ata yima agi buzugugi woi abuna, agi pogi guguma hur asegina woyo. Gugum máma mba mi arî vama glangâsâ kaziya.

Marik 8:12

Jesus muzuk kurum krovo huluf, mi dala: Ni kayam me ba, suma kur atchogoi d’a wandina a nga hal vama simata ge? Gagazi, an nga ni dagiya, a mba le vama simata mi suma kur atchogoi d’a wandina d’i.

Marik 9:1

Jesus mi dazi kua ala: Gagazi, an nga ni dagiya, suma ding suma a nga tchola aduk ka hina a mba bo d’i, gak azi mba wAlona mi mba kad’enga á te leu mamba tua.

Marik 9:41

Wani sama lara pî ma hagi mbiyo ma tched’a kur kopma yam simiyêna kayambala agi ni suma hi an Christ-sâ d’a ni, gagazi, an nga ni dagiya, Alona mba mi wuragamu.

Wana ni Zla d’a Djivi d’a Luc mi b’irita 11:51

tinï ad’ud’a ata matna hi Abel-lâ dei gak mba ata matna hi Zakari ma azi tchum aduk yima ngal ahle suma ngat buzuna ki yima a tinim iram vam mAlonina. Gagazi, an nga ni dagiya, Alona mba mi ka sariyad’a yam suma kur atchogoi d’a wandina yam matna hi sum ndazina pet.

Wana ni Zla d’a Djivi d’a Luc mi b’irita 12:37

Azungeî suma salazina mba mi fazi ndjola ata yima mi hulongîna, a le furîd’a. Gagazi, an nga ni dagiya, mba mi djin d’ik mama furumu, mi kagazi kä avun tena, mba mi lazi sunda.

Wana ni Zla d’a Djivi d’a Luc mi b’irita 13:35

Agi gologiya, aziyagi mba mi ar djona grib’ing. An nga ni dagiya, agi mba wan nduo d’a gak bur ma agi mba dagi ala: Ar Alona mi b’e vunam yam sama nga mi mba ki simiyê Ma didina na.

Wana ni Zla d’a Djivi d’a Luc mi b’irita 16:17

Akulod’a kandagad’a a mba kal leyo, wani b’ir ra klera hi gatid’a mba d’i kal lei hawa d’i.

Wana ni Zla d’a Djivi d’a Luc mi b’irita 18:17

Gagazi, an nga ni dagiya, sama ge nga yam kä yam leud’a hAlonid’a d’igi gogorâ na d’uo na, mba mi kal kurut ti.

Wana ni Zla d’a Djivi d’a Luc mi b’irita 18:29

Jesus mi dazi ala: Gagazi, an nga ni dagiya, sama ar aziyam mbei d’oze amamba d’oze b’oziyoma d’oze simiyêm mboze groma yam leud’a hAlonid’ina,

Wana ni Zla d’a Djivi d’a Luc mi b’irita 23:43

Jesus mi dum ala: Gagazi, an nga ni dangû, ang mba kak ini ki sed’en kur Paradis.

Wana ni Zla d’a Djivi d’a Luc mi b’irita 4:24

Mi dazi kua ala: Gagazi, ma djok vun Alona, suma a nga hum ngola yam ambazam mbi.

Jean 1:51

Jesus mi dazi kua ala: Gagazi, an nga ni dagiya, agi mba wagi akulod’a mal leyo, malaikana hAlonina a nga djagï akulo a mba hulongî kä kan an Gor Sana mi.

Jean 10:1

Jesus mi dazi ala: Gagazi, an nga ni dagiya, le sama nga mi kal avun kangâna hi tumiyônina d’uo ba, wani le mi dja’î kabo ma dingâ ni, mam mi sama kul ma tchi matna.

Jean 10:7

Kayam ndata, Jesus mi dazi kua ala: Gagazi, an nga ni dagiya, an ni vun kangâna hi tumiyônina.

Jean 12:24

Gagazi, an nga ni dagiya, le ir awuna nde kä, le mi mit tuo ni, mba mi arî ki tumba. Le mi mid’a ni, mba mi le irâ ablaud’a.

Jean 13:16

Gagazi, an nga ni dagiya, azongâ nga mi kal salama ki ngola d’i. Ma a sunuma nga mi kal salam ma sunuma ki ngola d’uo mi.

Jean 13:38

Jesus mi hulong dum ala: Ang min he tang ngei kan ndju? Gagazi, an nga ni dangû, avok ahle’â bei hela, ang mba tin vunang kan yang hindi ala ang wan nga d’i.

Jean 14:12

Gagazi, an nga ni dagiya, sama he gagazid’a kana, sun nda an lata, mam mba mi lat na mi. Mam mba mi le sun nda ngol la kal la wanda, kayam an nga ni i gen Abunu.

Jean 16:20

Gagazi, an nga ni dagiya, agi mba tchigi tchi ma hohoud’a, wani suma kur duniyad’ina a mba le furîd’a. Agi mba kagagi ki hur ma wurana, wani hur ma wura magina mba mi mbut hur ma hapma.

Jean 16:23

Kur bur máma agi mba djobon yam va d’i. Gagazi, an nga ni dagiya, agi le tchenegi Abun ni me pî ki simiyênu ni, mba mi hagiziya.

Jean 21:18

Gagazi, an nga ni dangû, kid’a ang ki gogorong tua d’a, ang djin d’i’â furung katangû, ang tit ata yima hurung mina. Wani fata ang mbut wa mamarâ ni, ang mba mat abongû, sama ding mba djining d’i’â furungû, mba mi ing ata yima ang hurung minim mbuo na.

Jean 3:11

Gagazi, an nga ni dangû, ami dami ni vama ami wuma, ami lami glangâsâ ni yam vama ami wamizi ki iramina, wani agi nga vagi zla mamid’a d’i.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Jean 3:5

Jesus mi hulong dum ala: Gagazi, an nga ni dangû, le a vut nga sana ki mbina ki Muzu’â hAlonina d’uo ni, mi ndak á kal kur leud’a hAlonid’a d’i.

Jean 5:19

Jesus mi hulong dazi ala: Gagazi, an nga ni dagiya, an Alona Goroma ni ndak á le va yam tan ndi, wani an le ni vama an wAbun nga mi luma hol, kayam ahlena pet suma mam nga mi lazina, an Goroma nga ni lazi mi.

Jean 6:26

Jesus mi hulong dazi ala: Gagazi, an nga ni dagiya, agi halan ni yam ahle suma simat suma agi wagizina d’i, wani yam te ma agi tum hobogi ki na.

Jean 6:32

Kayam ndata, Jesus mi dazi ala: Gagazi, an nga ni dagiya, ni Moise ba, mi hagi te ma tcholï akulona d’i, wani nAbun ba, mi hagi te ma gagazi ma tcholï akulona.

Jean 6:47

Gagazi, an nga ni dagiya, sama he gagazid’a kana, mi nga kari d’a didinda.

Jean 6:53

Kayam ndata, Jesus mi dazi ala: Gagazi, an nga ni dagiya, le agi tagi hliwin an Gor Sana d’uo, le agi tchagi buzuwan nduo mi ni, agi nga karid’a kurugi d’i.

Jean 8:34

Jesus mi hulong dazi ala: Gagazi, an nga ni dagiya, sama lara pî ma nga mi le tchod’ina ni magoma hi tchod’ina.

Jean 8:51

Gagazi, an nga ni dagiya, le sama ngom zla manda ni, mba mi mit ti gak didin.

Jean 8:58

Jesus mi dazi ala: Gagazi, an nga ni dagiya, avok bei a vut Abraham-mba, an nga.

1 Pierre 1:25

wani zlad’a hi Salad’id’a mba d’i kak didin. Ni Zla d’a Djivi d’a a tchagizi walata.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.