Matiye 5:16 - Bible azumeina

¹⁶ Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Matiye 5:16 ပူးပေါင်းရင်းမြစ်များ

Buzuk ka Abud’a 34:35

Israel-lâ a gol ir Moise. Gol wani, iram nga d’i wile. Moise mi hulong barud’a tchuka iram gak ata yima mi kal á de zlad’a ki Ma didinina tua ba, mi yot tei iramu.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Isai 58:8

Ata yi máma b’o magid’a mba d’i b’o woi d’igi yima fod’a na, sut manid’a mba d’i deî atogo zak d’igi afata na, d’ingêr magid’a mba d’i tit avorogiya, subura hi Ma didinid’a mba d’i tit blogogi á ngomogi mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Matiye 23:5

Azi nga le sun mazid’a pet ni kayambala suma a waziya d’a, azi nga tchuk gan gata hAlonid’a atazi bibigilir, azi nga ndjap ahle suma djifâ avun baru mazina ndjundjû mi.

Matiye 23:9

Ar agi yagi sama yam andagad’a ka hina ala Abugiya d’i, kayam Abugi ni tu, ni Ma sä akulona.

Matiye 5:45

Hina wani, agi mba mbud’ugi nAbugi ma sä akulona groma, kayam nga mi deî afata yam suma tchona, yam suma djivina mi, nga mi se alona yam suma djivina, yam suma tchona mi.

Matiye 6:16

Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Matiye 6:9

Agi tchenegi ni na: Abumi ma sä akulona, ar suma pet a suburung simiyêngû.

Matiye 9:8

Ata yima ablau suma a wahle ndazina hina na, a le mandarâ, a subur Alo ma had’eng nga hina d’a mi sumina.

Wana ni Zla d’a Djivi d’a Luc mi b’irita 11:2

Jesus mi dazi ala: Le agi tchenegiya ni, agi dagi ala: Abumiya, ar suma pet á suburung simiyêngû. Ar ang mba á te leu manga yam andagad’a.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Sunda hi suma a sunuzinid’a 9:36

Atcha d’a he gagazid’a tu nga kur Joppe, simiyêt ala Tabita, nala, Dorkas d’oze Duka, nga d’i le sun nda djivid’a burâ ki burâ, nga d’i ndjun suma hohoud’a mi.

1 Korente-na 14:25

Djib’er ra nga ngeid’a kurumba mba d’i nde woi pid’agï. Ata yi máma, mba mi ge tam kä, mba mi kud’or Alona, mba mi dala: Gagazi, Alona mi nga adigagiya.

2 Korente-na 9:13

Ata yima azi mba we sun magi d’a le d’a djivi ndatina, a mba subur Alona, kayamba agi gagi yagi kä ad’u Zla d’a Djivid’a hi Christ-sa d’a agi nga tagat tei abu avok sumid’a. Azi mba subur Alona yam he d’a hawa magi d’a agi nga b’rawat adigazi aduk suma dingâ pet mi d’a.

Galat-na 1:24

Azi subur Alona ngola yam zla manda.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Efes-sâ 5:8

Kayam adjeu agi ni kur nduvunda, wani ki tchetchemba, agi zlabagi tu ki Salad’a, agi ni kur b’od’a. Kayam ndata, agi tid’igi d’igi suma a nga kur b’od’ina na.

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.

1 Timote 2:10

wani kal pet a le ni sun nda djivid’a d’igi arop suma a nga le mandar Alonina na.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

1 Timote 5:25

Hina mi, sun nda djivid’a ti nga ni woi abu pid’agï, wani ta nga woi pid’ak kuo d’a pî ti nga ni ngeid’a d’uo mi.

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Wana ni mbaktum mba Paul mi b’irit mi Tit-ta 2:7

Kur ahlena pet ang mbut ni vama taka kur sun nda djivid’a. Ang hat ni hat ta d’ingêra irang sik.

Wana ni mbaktum mba Paul mi b’irit mi Tit-ta 3:14

Ar sum meina a hat á le sun nda djivid’a teteu, kayam a fahle suma a kid’agazina, kayam tit mazid’a kak bei vuta d’i.

Wana ni mbaktum mba Paul mi b’irit mi Tit-ta 3:4

Wani kid’a djivid’a hAlo ma sud’inid’a ki o mam mba yam sumid’a a nde woid’a,

Hebre-na 10:24

Ei djib’erei yam tei á zud’i tei akulokulo á le od’a, á le sun nda djivid’a mi.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 3:1

Agi aropma, agi gagi yagi kä ad’u andjuviyogiya, kayam suma dingâ adigazi suma a he nga gagazid’a yam zlad’a hAlonid’a d’uo na, a mba he gagazid’a yam tit magid’a bei agi dazi zlad’a,

1 Pierre 3:16

wani agi dagizi ni ki lulumad’a ki ge yam mba kä d’a. Agi kagagi ki djib’er ra djivid’a kurugiya, kayam suma a nga de zla d’a tchod’a kagi yam tit magi d’a djivid’a yam Christ-sina, zulona mi laziya.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.