Matiye 4:24 - Bible azumeina

²⁴ Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Matiye 4:24 ပူးပေါင်းရင်းမြစ်များ

2 Samuel 8:6

David mi min yima kaka hi azigar mama avo Siri d’a Damas-sa. Suma Siri-na a hulong yazi kä ad’u David, a hum tara. Ma didina mi hum ad’enga á kus yam suma pet ata yima lara ma mam nga mi i kuana.

1 Amuleina 10:1

Amul la Seba-d’a ti hum zla Salomon, ti mba á kugum ki ne mamba, ti djobom yam zla d’a mudurid’a.

1 Amuleina 4:31

Ne mamba ti kal suma pet, kal Etan ma Esra-na tamba mi, kal Heman ko, kal Kalkol ki Darda Mahol groma. Ne mamba ti kal ngola, zlam nde yina kur azì ma nguyuma pet mi.

1 Sunda Hamuleinid’a 14:17

Ata yi máma David simiyêm mi nde yina kur ambasa pet. Ma didina mi mbud’um ma suma yam andagad’ina pet a nga lum mandarama mi.

1 Sunda Hamuleinid’a 29:2

An he tan kad’engên pet á min ahlena yam gong nga kud’ora hAlo manid’a, nala, lora ngad’a yam ahle suma a mba lazi ki lorina, kawei ma hapma ngad’a yam ahle suma a mba lazi ki kawei ma hapmina, kawei ma hleuna ngad’a yam ahle suma a mba lazi ki kawei ma hleunina, kawei ma wurana ngad’a yam ahle suma a mba lazi ki kawei ma wuranina, aguna ngad’a yam ahle suma a mba lazi kagunina kahina onisa kahina d’a a dugut yat kä kahlenid’a kahina d’a ngal wiwilika kahina d’a d’udjo mata tetenga kahina d’a guzut kal tegles sa tetenga kahina d’a a yat ala marbre d’a hapa ablaud’a mi.

Buzuk ka Abud’a 15:26

Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.

Matiye 12:22

Bugola, a mbamï sama duk ma ad’enga ki sed’em á de zlad’a woina, kayam mam nga ki muzuk ma tchona kurumu. Jesus mi sud’umu. Sa máma nde mi de zlad’a, iram mal lei mi.

Matiye 14:1

Ata yi máma, Herot ma te yamba yam andaga d’a Galile-d’ina, mi hum zla Jesus.

Matiye 15:22

Atcha d’a Kanan-nda, ti mba ti er ad’ut akulo ala: Salana, David goroma, ang wan hohowonu, kayam muzuk ma tchona mi nga kur goronda, nga mi lat ndaka heî.

Matiye 17:15

mi dum ala: Salana, ang we hohowa gorona, kayam pipina nga mi lum ngola heî, nga mi gum aduk akud’a ki mbina teteu.

Matiye 17:18

Jesus mi ngop muzuk ma tchona; mi nde woi kur gorâ. Ata yi máma gorâ mi tchol akulo.

Matiye 4:23

Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Matiye 8:28

Kid’a Jesus mi mbaza abo apod’a woi hî yam andaga d’a Gadaren-nda, suma mbà suma a nga ki muzuk ma teteng ma tchona kuruzina, a buzuk kei angra asud’a, a ngavamu. Azi ni suma asa’at suma sa mi ndak á kal kur lovot ndata abozi d’uo d’a.

Matiye 8:33

Suma a nga pol kozongîna a ringâ, a i hur azina, a de zla ndata woi pet ki vama le ki suma a nga ki muzuk ma teteng ma tchona kuruzina mi.

Matiye 8:6

mi dum ala: Salana, azong mana mi kus gugutud’a nga avo, nga mi fe ndaka heî.

Matiye 9:26

Zla ndata ti b’rau woi yam andaga ndata pet.

Matiye 9:35

Jesus nga mi ngui tita kur azì ma nglona kazì ma gureina pet. Nga mi had’azi kur gongîyo mazi suma toka, nga mi tchazi wal Zla d’a Djivi d’a yam leud’a hAlonid’a, nga mi sud’uzi woi kur andjaf tugud’ei mazid’a teteng ki suma homozed’a pet mi.

Marik 1:28

Atogo hina zak, zlam mbi nde yina pet yam andaga d’a Galile-d’a.

Marik 1:32

Fladege d’a afata nik dad’a, suma a mba ki suma tugud’eid’a pet zlapa ki suma a nga ki muzuk ma tchona teteng kuruzina mi Jesus.

Marik 2:3

suma fid’i a ganï sama gugutud’a, a mbam mi Jesus.

Marik 2:4

Wani azi fe nga lovota á mbam go d’i abo ablaud’a hi sumid’a, a hô yam gong nga dudura ata yima mam nga kuana, a hulud’ud’u, a sir zlat ma sama gugutud’a mi nga burâ kuana kä.

Marik 2:9

Vama afefeta á de mi sama gugutud’a ni me ge? An vat wa hurun ndei yam tcho manga da’, d’oze Ang tchola, ang hle zlat mangâ, ang tid’a d’uo zu?

Wana ni Zla d’a Djivi d’a Luc mi b’irita 2:2

Wana ni ndum mba avoka, kid’a Kiriniyus nga mi te leud’a yam andaga d’a Siri-d’id’a.

Wana ni Zla d’a Djivi d’a Luc mi b’irita 4:14

Jesus mi hulong kur Galile kad’enga hi Muzuk ma bei tchod’a ba na. Zlam nde yina yam ambas sa nguyuta pet.

Wana ni Zla d’a Djivi d’a Luc mi b’irita 4:38

Jesus mi tcholï kur gong nga toka hi Juif-fîd’a, mi kal avo hi Simon. Simon akunomba tat nga d’i kumurut ngola. Azi tchen Jesus ala mi tcholot akulo.

Wana ni Zla d’a Djivi d’a Luc mi b’irita 5:15

Wani zlam nde yina ngola. Ablau suma a togï gevem á humumu, á sud’uzi woi kur tugud’ei mazid’a mi.

Wana ni Zla d’a Djivi d’a Luc mi b’irita 5:24

Wani kayam agi wagi woi ala an Gor Sana ni nga kad’enga yam andagad’a ka hî á vat hurun ndei yam tchod’a hi sumid’a,... mi de mi sama gugutud’a ala: An nga ni dangû, ang tchol akulo, ang hle zlat mangâ, ang i avo hatangû.

Wana ni Zla d’a Djivi d’a Luc mi b’irita 7:17

Kayam ndata, zlam nde yina kur ambas sa Jude-d’a pet kambas sa nguyuta mi.

Jean 10:21

Suma hiuna a dala: Sama nga ki muzuk ma tchona kuruma, mi ndak á de zla d’a hina d’a d’i. Muzuk ma tchona mi ndak á mal ir suma duka woi zu?

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 15:23

A b’irizi mbaktumba abozi ala: Ami suma a sunumina ki suma nglona, ami b’oziyogina, ami nga sunugi mbaktumba mi agi b’oziyomi suma aduk andjaf suma ding suma kur Antiyos kur Siri kur Silisi-na, ami gagi depa.

Sunda hi suma a sunuzinid’a 15:41

Mi kal yam andaga d’a Siri-d’a ki d’a Silisi-d’a, nga mi sira suma toka ngingring kur he gagazid’a.

Sunda hi suma a sunuzinid’a 28:9

Ata yi máma, suma tugud’ei suma ding suma kur tilina, a mba gevemu, a tchol akulo mi.

Sunda hi suma a sunuzinid’a 8:7

Kayam muzuk ma tcho ma nga kur sumina, mi buzuk kei kur suma ablaud’a ki tchina. Suma gugutud’a ablaud’a ki suma dileîd’a a tchol akulo.

Josue 6:27

Ma didina mi nga ki Josue. Ni kayam ndata ba, simiyêm mi nde yina yam ambasa pet wana.