Matiye 4:23 - Bible azumeina

²³ Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Matiye 4:23 ပူးပေါင်းရင်းမြစ်များ

Sawal la giled’a 103:3

Mam mi ma vat hurum mbei yam tcho mandina; mam mi ma sud’un ndei kur tugud’ei mandina.

Sawal la giled’a 74:8

Azi nga de tazi kami ala: Ei i b’lageizi woi pepet! Azi ngal yima lara ma ami nga kud’urong kua ma kur ambasina woi mi.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Matiye 12:9

Jesus mi tchol ata yi máma, mi kal kur gong mazi d’a toka.

Matiye 13:19

Ata yima sana mi hum zla d’a yam leud’a hAlonid’a wani mi wat ad’ut tuo na, Ma tchona mi mba, mi hle zla d’a a zarat kurumba woyo. Wana nawu ma nde kur lovotina.

Matiye 13:54

Kid’a mi mbaza avo hatamba, nga mi had’azi kur gong mazi d’a toka. A le atchap. Kayam ndata, a dala: Sa máma mi fe ned’a á lahle suma atchapma ni lara na ge?

Matiye 14:14

Kid’a mi nde woi kur alumbid’a, mi wablau suma ngola. Hurum hat kaziya, mi sut suma tugud’ei suma a nga adigazina mi.

Matiye 24:14

Zla d’a Djivi d’a yam leud’a hAlonid’a a mba tchat walat tei mi suma yam andagad’ina pet á le glangâsâ mandjaf suma pet. Ata yi máma, ad’u dabid’a mba d’i mba.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Matiye 9:35

Jesus nga mi ngui tita kur azì ma nglona kazì ma gureina pet. Nga mi had’azi kur gongîyo mazi suma toka, nga mi tchazi wal Zla d’a Djivi d’a yam leud’a hAlonid’a, nga mi sud’uzi woi kur andjaf tugud’ei mazid’a teteng ki suma homozed’a pet mi.

Marik 1:14

Ata yima a ge Jean dangeina dana, Jesus mi mba kur ambas sa Galile-d’a, mi tchi wal Zla d’a Djivid’a hAlonid’a.

Marik 1:21

Jesus azi ki mam suma hata a kal avo Kapernayum. Kur bur ma sabatna mi kal kur gong nga toka hi Juif-fîd’a, nga mi hat suma.

Marik 1:39

Mi kal kur ambas sa Galile-d’a pet, nga mi tchi wala kur gongîyo mazi suma toka, nga mi dik muzuk ma teteng ma tchona woi kur suma mi.

Marik 3:10

Mi sut wa ablau suma. Kayam ndata, suma tugud’eid’a pet a nga mol kam kä á domu.

Marik 6:2

Kid’a bur ma sabatna ndaka, mi tin ad’u á hat suma kur gong nga toka hi Juif-fîd’a. Ablau suma a huma, a le atchap, a dala: Sa máma mi fahle ndazina ni lara na ge? Mi fe ne ndata ni lara ba, nga mi lahle suma ndandal ndazina na ge?

Marik 6:6

Mi le atchap kayam azi he nga gagazid’a kam mbi. Bugola, Jesus nga mi ngui tita kur azina teteng, nga mi had’azi mi.

Wana ni Zla d’a Djivi d’a Luc mi b’irita 10:9

Agi sud’ugi suma tugud’ei suma kur azì ma ngol mámina, agi dazi ala: Alona mi mba wa adigagi á te leu mamba.

Wana ni Zla d’a Djivi d’a Luc mi b’irita 13:10

Jesus nga mi hat suma kur gong nga toka kur bur ma sabatna.

Wana ni Zla d’a Djivi d’a Luc mi b’irita 16:16

Gata hi Moise-sa ki mbaktumba hi suma djok vun Alonid’a a ei nadjeu dei gak mba kur atchogoid’a hi Jean ma le suma batembid’a. Tin ad’ud’a kur bur máma dei gak suma a nga tchi wal Zla d’a Djivid’a yam leud’a hAlonid’a. Nge nge pî nga mi b’at tam kad’enga á kal kua.

Wana ni Zla d’a Djivi d’a Luc mi b’irita 20:1

Kur bur tu Jesus nga mi hat suma kur gong nga kud’ora hAlonid’a, nga mi tchazi wal Zla d’a Djivid’a mi. Nglo suma ngat buzuna azi ki suma hat gata ki suma nglona a mba atamu,

Wana ni Zla d’a Djivi d’a Luc mi b’irita 4:14

Jesus mi hulong kur Galile kad’enga hi Muzuk ma bei tchod’a ba na. Zlam nde yina yam ambas sa nguyuta pet.

Wana ni Zla d’a Djivi d’a Luc mi b’irita 5:17

Bur ma dingâ Jesus nga mi hat suma. Fariziyêna azi ki suma hat gata a nga kaka kä gevemu. Ni suma a tcholï kur azì ma nglo ma Galile-na ki ma nglo ma Jude-na ki suma Jerusalem-ma pet mi. Ad’enga hi Salad’id’a nga ki Jesus á sut suma tugud’eid’a mi.

Wana ni Zla d’a Djivi d’a Luc mi b’irita 6:17

Jesus mi tchugï asem kä ki sed’eziya, mi tchol ata yima kikid’i’â. Ni yima ablau mam suma hata a nga kuana. Ata yi máma, ablau suma a nga toka kua ngola mi. Azi ni suma Jude-na, suma Jerusalem-ma, suma a nga avun alum ma ngolîna, suma Tir-râ ki suma Sidon-na mi.

Wana ni Zla d’a Djivi d’a Luc mi b’irita 6:6

Kur bur ma sabat ma dingâ, Jesus mi kal kur gong nga toka hi Juif-fîd’a, nga mi hat suma. Sana nga kua, ni ma abom ma ndjufâ mi tche mogod’ina.

Wana ni Zla d’a Djivi d’a Luc mi b’irita 7:21

Ata yi máma, Jesus mi sut suma tugud’eid’a ablaud’a ki suma homozed’a ki suma a nga ki muzuk ma tchona kuruzina, mi mal ir suma duka woi ablaud’a mi.

Wana ni Zla d’a Djivi d’a Luc mi b’irita 7:22

Jesus mi hulong dazi ala: Agi i dagi mi Jean vama agi wagizina ki vama agi humugizina mi. Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma houd’a mi.

Wana ni Zla d’a Djivi d’a Luc mi b’irita 8:1

Bugola, Jesus nga mi i kur azì ma nglona ki ma gureina, nga mi tchi wal Zla d’a Djivi d’a yam leud’a hAlonid’a. Suma hat suma dogo yam mbàna a nga ki sed’emu.

Wana ni Zla d’a Djivi d’a Luc mi b’irita 9:11

Wani ablau suma a hum ahle ndazinina, a i ad’umu. Mi vazi atamu, nga mi dazi zlad’a yam leud’a hAlonid’a, mi sut suma a nga ki tugud’eid’ina mi.

Wana ni Zla d’a Djivi d’a Luc mi b’irita 9:60

Wani Jesus mi dum ala: Ar suma matna a tos mat mazina, wani ang i tchi wala yam leud’a hAlonid’a.

Jean 18:20

Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi.

Jean 6:59

Jesus mi de zla ndata ni kid’a mam nga mi had’azi kur gong nga toka hi Juif-fâ avo Kapernayum-mba.

Jean 7:1

Bugol ahle ndazina, Jesus nga mi tit kur ambas sa Galile-d’a kayam mi min tit kur ambas sa Jude-d’a d’i, kayam Juif-fâ a nga halam á tchid’a.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 18:4

Kur bur ma sabat ma lara ge pet, Paul nga mi tchi wala kur gong nga toka hi Juif-fîd’a, nga mi ve Juif-fâ ki Gre’â ki zlad’a.

Sunda hi suma a sunuzinid’a 20:25

Agi suma an tit adigagi á tchagi wala yam leud’a hAlonid’ina, an wala ki tchetchemba, agi mba wan iran nduo d’a.

Sunda hi suma a sunuzinid’a 28:31

Nga mi tchazi wala yam leud’a hAlonid’a, nga mi had’azi ad’u ahlena yam Salad’a Jesus Christ bei mandarâ ba, sama d’elem nga d’uo mi.

Romê-na 10:15

Le a sun suma d’uo ni, a mba tchi wala ni nana ge? D’igi mbaktumba hAlonid’a ti de na ala: Suma a mba ki Zla d’a Djivid’ina djivid’a kaziya.