Matiye 4:10 - Bible azumeina

¹⁰ Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Matiye 4:10 ပူးပေါင်းရင်းမြစ်များ

1 Sunda Hamuleinid’a 21:1

Bur tu Seitan mi tchol djangûna ki Israel-lâ, mi zut David á ndumuziya.

Wana ni mbaktumba hi Job-pa 1:12

Ma didina mi de mi Seitan ala: Gola! Ahle mama pet an hangziya! Wani ang do abong atam mbi! Ata yi máma Seitan mi nde woi avok Ma didina.

Wana ni mbaktumba hi Job-pa 1:6

Wani bur tu malaika suma hAlonina a mba ki zla mazid’a avok Ma didina, Seitan ma tchuk zlad’a yam sumina mi mbeï adigazi mi.

Wana ni mbaktumba hi Job-pa 2:1

Wani bur tu malaika suma hAlonina a mba ki zla mazid’a avok Ma didina; Seitan mi mbeï adigazi mi.

Sawal la giled’a 109:6

A nga de kan ala: Ar sama asa’atna mi te kamu, ar ma tchugum zlad’a kama mi tchol ata bigam mba ndjufa.

Buzuk ka Abud’a 23:25

Agi kud’urogi ni an Ma didina Alo magina tu. Hina wani, an mba ni b’e vunan yam te magina, yam mbiyo magi ma tched’a mi. An mba ni ar tugud’eid’a ti lagi d’i.

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Matiye 16:23

Wani Jesus mi mbut iram mi de mi Pierre ala: Seitan, iza woi hina dei ad’unu, ang hal á pugun kur tchod’a, kayam djib’er manga nga ni djib’era hAlonid’a d’i, wani ni djib’era hi sumid’a.

Marik 1:13

Jesus mi le burâ dok fid’i hur fulâ, Seitan nga mi kugumu. Mi nga aduk azureina, malaikana a mba, a nga lum sunda mi.

Wana ni Zla d’a Djivi d’a Luc mi b’irita 10:18

Mi hulong dazi ala: An we Seitan mi tcholï akulo, mi nde kä d’igi wiled’a na.

Wana ni Zla d’a Djivi d’a Luc mi b’irita 11:18

Le Seitan mi wal wa kä mbà á dur tamu ni, leu mamba mba d’i ka’î nana ge? Kayam agi nga dagi ala an nga ni dik muzuk ma tchona woi ni kad’eng nga Belzebul mi handjid’a.

Wana ni Zla d’a Djivi d’a Luc mi b’irita 13:16

Wani atcha d’a wanda ni Abraham gorom mba Seitan mi djinit bizad’a dogo yam klavandid’a, ndak á bud’ut tei kur bur ma sabatna d’uo zu?

Wana ni Zla d’a Djivi d’a Luc mi b’irita 22:3

Ata yi máma, Seitan mi kal kur Judas ma a yum ala Iskariyot-na, ni ma aduk suma dogo yam mbà máma.

Wana ni Zla d’a Djivi d’a Luc mi b’irita 22:31

Jesus mi de kua ala: Simon, Simon, gola! Seitan nga mi tchen kagi á yigigi d’igi suma a yik awuna na,

Wana ni Zla d’a Djivi d’a Luc mi b’irita 4:8

Jesus mi hulong dum ala: A b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Jean 13:27

Bugol la Judas mi vavuna dad’a, Seitan mi kal kurumu. Kayam ndata, Jesus mi de mi Judas ala: Vama ang luma, ang lum atogo.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Sunda hi suma a sunuzinid’a 5:3

Wani Pierre mi dum ala: Ananiyas, ni kayam me ba, Seitan mi kal kurung á ka zlad’a mi Muzuk ma bei tchod’a ba na á ngei beged’a hi yina woi nde ge?

1 Korente-na 5:5

agi hagi sama hina na abo Seitan kayam mi b’lagam hliwimu. Hina wani, muzugam mba mi fe suta kur burâ hi Salad’a Jesus-d’a.

1 Korente-na 7:5

Agi d’elegi tagi d’i, agi minigi tagi ndjö, ar agi ndjagagi vunagi á tchen Alona tua ba, agi hulong zlabagiya. Hina wani, Seitan mba mi fe lovota á kugugi d’i, kayam agi nga kad’enga á d’el hliu tagi d’i.

2 Korente-na 11:14

Nga ni vama atchap pi, kayam Seitan tamba nga mi mbut tam d’igi malaika ma b’od’a na.

2 Korente-na 12:7

Kayam an fe lovota á subur tan yam ahle suma kal tegles suma Alona mi simad’andjina d’i, ni kayam ndata ba, mi tinin tugud’ei d’a ndaka atanu, ni ma sunda hi Seitan-na ba, mi ton kiya, kayam an subur tan ndi.

2 Korente-na 2:11

kayam ar Seitan mi kus kei d’i, kayam ei wei lem mamba.

Gat ta a hat á mbàd’id’a 10:20

Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi.

Jacques 4:7

Agi gagi yagi kä avok Alona, agi tchologi ad’enga ngingring á noî Diable woyo. Hina wani, mba mi ring ngei dei ki sed’egiya.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

1 Pierre 5:9

Agi siragi kur he gagazi magid’a, agi tchologi ngingring á d’elem mi, kayam agi wagi ndak ka hina d’a nga d’i le b’oziyogi suma a b’rau woi kur duniyad’a petna mi.

1 Samuel 7:3

Samuel mi de mi Israel-lâ ala: Le agi hulongôgï gen Ma didina ni ki hurugi tu ni, agi aragi bei kud’or alo d’a a yat ala Astarte-d’a kalo ma dingâ pet teyo. Agi zlabagi ki Ma didina, agi kud’uromî mam tu go. Hina wani, mam mba mi sud’ugi woi abo Filistê-na.