Matiye 3:17 - Bible azumeina

¹⁷ Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Matiye 3:17 ပူးပေါင်းရင်းမြစ်များ

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 42:21

Kayam djivi mamba, Ma didina mi min mbut gat mamba ngola djifâ kala.

Sunda hi suma hi Levi-nid’a 15:15

Ma ngat buzu máma mi he tu yam vama ngat buzu ma zlup yam tchod’a, mi he tu yam vama ngat buzu ma ngala, mi zlup yam tchod’a hi sa mámid’a avogon an Ma didina yam mbiyo ma mi djang atama.

Matiye 12:18

Gola! Azong man ma an manam ma an le kam heîna, ni ma tan ndi lan djivid’a heî kama, an mba ni tin Muzuk mana kamu. Mam mba mi tchi wal yam sariya manda mandjaf suma dingâ,

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Marik 1:11

Ata yi máma dela ti tcholï akulo ti dala: Angî Goron ma an hurun vang heîna; tan ndi lan djivid’a heî kangû.

Marik 9:7

D’ugula ti mba, ti kulubuzi kanguzad’u, dela ti tcholï kur d’ugula, ti dala: Wana ni Goron ma an hurun vum heîna; agi humugiziya.

Wana ni Zla d’a Djivi d’a Luc mi b’irita 3:22

Muzuk ma bei tchod’a ba na mi surop kamu, mi hle tam d’igi gugud’a na. Dela ti tcholï akulo, ti dala: Angî Goron ma an hurun vang heîna; tan ndi lan djivid’a heî kangû.

Wana ni Zla d’a Djivi d’a Luc mi b’irita 9:35

Dela ti tcholï kur d’ugula, ti dala: Wana ni Goron ma an manama; agi humugiziya.

Jean 5:20

Kayam Abun le kanu, mi tagan ahlena pet suma mam nga mi lazina, kayam mam mba mi tagan sun nda ngol la kal la wanda, kayam agi mba lagi atchap kad’u.

Jean 5:37

Abun ma sununïna, mi le wa glangâsâ kanu. Agi humum nga delem yagi tu d’i, agi wum nga iram mbuo mi.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Kolos-sâ 1:13

Ni Ma pad’ei woi kur leu d’a nduvunda hi Seitan-ndina, mi tini kur leud’a hi Gorom ma mam le kam heînid’a.

2 Pierre 1:17

Kayam Abum Alona mi hum mi suburum ata yima dela ti tcholï ata subur ra ngol la kal papad’a ala: Wana ni Goron ma an hurun vum heîna, ni ma tan ndi lan djivid’a heî kama na.

1 Jean 5:9

Le ei nga vei glangâsâ hi sumina ni, glangâsâ hAlonina ba ngola kala. Glangâs máma ni glangâs ma Alona mi lum yam Goromina.

Vama ndum mbeina 14:2

An hum dela ti tcholï akulo, nga d’i siwel d’igi mbiyo ma avun vorina na, d’igi breîd’a halonid’a na mi. An hum dela ti hle tat d’igi dela hi suma a nga bu adingîna na.