Matiye 27:54 - Bible azumeina

⁵⁴ Ma ngol ma azigarâ abom kis ma Romê-na azi ki suma a nga ki sed’em á ngom Jesus-na, kid’a a we yira handagad’a kahle suma a lenid’a, a le mandarâ, a dala: Gagazi, sa máma nAlona Goroma.

Matiye 27:54 ပူးပေါင်းရင်းမြစ်များ

Matiye 26:63

Wani Jesus ngruf kiki. Ma ngol ma ngat buzuna mi dum kua ala: An gunung ki simiyê Alo ma arina, ang le ni Mesi Alona Goroma ni, ang damiya.

Matiye 27:36

A kak kä á ngomomu.

Matiye 27:40

A dum ala: Ang ma ala ang to gong nga kud’ora hAlonid’a kä ang minit akulo kur bur ma hindina na, ang sut tangû. Le angî Alona Goroma ni, ang tchugï aseng kä woi ata agu ma b’ala.

Matiye 27:43

Mi tin hurum yam Alona; le mi le kamu ni, ar mi sud’um ka tchetchem, kayam mi dala: An nAlona Goroma.

Matiye 27:51

Gola! Baru d’a ka ir ra kur gong nga kud’ora hAlonid’a ti haû woi aduk mbà tcholï akulo dei gak ti tchuk kä, andagad’a ti yira, ahuniyôna a wak kei mi.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Matiye 8:5

Kid’a Jesus mi kal avo Kapernayum-mba, ma ngol ma azigarâ abom kis ma Romê-na, mi mba gevem mi tchenemu,

Marik 15:39

Ma ngol ma azigarâ abom kis ma Romê-na ni ma nga tchola avok Jesus d’arâ. Kid’a mi wum mi duk vunamba, mi dala: Gagazi, sa máma nAlona Goroma.

Wana ni Zla d’a Djivi d’a Luc mi b’irita 22:70

Azi pet a dum ala: Na ni ang nAlona Goroma zu? Mi dazi ala: D’igi agi dagi na, an ni mamu.

Jean 19:7

Juif-fâ a hulong dum ala: Ami nga ki gata. Kur gat ndata djivid’a mi mid’a, kayam mam mbut tam ala mam mi Alona Goroma.

Sunda hi suma a sunuzinid’a 10:1

Sana nga kur Sesare, simiyêm ala Kornei, ni ma ngol ma azigarâ abom kis ma Romê-na, ni ma nga avok adesâ hi azigar suma Romê suma a yazi ala Itali-na.

Sunda hi suma a sunuzinid’a 2:37

Kid’a azi hum zla ndatid’a, zlad’a vaziya, a de mi Pierre azi ki suma hiu suma a sunuzina ala: B’oziyomina, ami lami ni nana ge?

Sunda hi suma a sunuzinid’a 21:32

Ata yi máma na wat, mi yo azigarâ ki suma nglo suma avorozina, a ring ataziya. Kid’a Juif-fâ a we ma ngol máma ki azigar mama mi d’a, a ar Paul bei tod’a.

Sunda hi suma a sunuzinid’a 23:17

Paul mi yi ma ngol ma azigarâ abom kis ma dingâ tu, mi dum ala: Ang i ki gor azong ma wana mi ma ngolâ hi azigarîna, kayam mi nga ki zlad’a á dumu.

Sunda hi suma a sunuzinid’a 23:23

Mi yi nglo suma azigarâ abozi kikisâ mbà, mi dazi ala: Agi minigi azigarâ kikis mbà ki suma akulumeina dok kid’iziya ki suma asubuyona kikis mbà á i ki Paul Sesare kur ler ra hindi d’a andjeged’a.

Sunda hi suma a sunuzinid’a 27:1

Kid’a azi nga huruzi á sunumi ki batod’a á i yam andaga d’a Itali-d’id’a, a he Paul azi ki suma dangei suma dingâ abo ma ngol ma azigarâ abom kisâ, simiyêm ala Juliyus, ni ma ad’u adesâ hi Romê-na ma a yum ala Adesâ hi Sesar-râ na mi.

Sunda hi suma a sunuzinid’a 27:43

Wani ma ngol ma azigarâ abom kisâ mi min á sut Paul, mi d’elezi yam nga hur mazina. Mi he vuna mi suma we nusina ala a tchuk tazi kä avok aduk mbina, a i ata yima sod’a.

Romê-na 1:4

ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.