Matiye 27:32 - Bible azumeina

³² Kid’a azi buzuk kei kela, a ngaf ki sama Siren-na simiyêm ala Simon. Azigarâ a vum kad’enga ala mi hlagu ma b’ala hi Jesus-na kamu.

Matiye 27:32 ပူးပေါင်းရင်းမြစ်များ

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

Sunda hi suma hi Levi-nid’a 4:12

a yom ki zla tam pet, a im bugol kangâ ata yima a tinim iram vam á tchuk butna kuana, mi ngalam mbei yam agu ma a ndjam yam akud’ina ata yima butna nga mola kua ma a ngal ahlena kama.

Sunda hi suma hi Levi-nid’a 4:21

Ma ngol ma ngat buzuna, mi i kamuhl máma bugol kangâ, mi ngalam d’igi mi ngal ma avo’â na. Wana ni vama ngat buzu ma zlup yam tchod’a hablau sumid’ina.

Sunda hi suma hi Levi-nid’a 4:3

Le ni ma ngat buzu ma a vom mbulâ kam á tinim iram vama ba, mi le tchod’a mi b’lak ablaud’a ni, mi hamuhl ma azong ma bei daka ba na vama ngat buzuna mi an Ma didina á zlup yam tcho d’a mi lata.

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Matiye 5:41

Le sana nga mi lang kad’enga á i ki sed’em kilometred’a tu ni, ang djagamzi sä mbà.

Marik 15:21

Sama Siren-na simiyêm ala Simon, ni Alezandre azi ki Rufus abuziya, mi tcholï nabageya, nga mi kala. Azigarâ a vum kad’enga ala mi hlagu ma b’ala hi Jesus-na kamu.

Wana ni Zla d’a Djivi d’a Luc mi b’irita 23:26

Kid’a azigarâ a nga i ki Jesus-d’a, a ngaf sama Siren-na simiyêm ala Simon, mi tcholï nabageya. A vumu, a hlum agu ma b’ala kam ala mi i ki bugol Jesus.

Jean 19:17

Jesus mi hlagu mam ma b’ala, mi nde ki woi abua, mi i ata yima a yum ala Asok yamba na, a yum ki vun Hebre-na ala Golgota.

Sunda hi suma a sunuzinid’a 11:20

Wani suma dingâ adigazi ni suma Sipre-na ki suma Siren-na. Sum ndazina a i Antiyos, a tchi wal Zla d’a Djivid’a hi Salad’a Jesus-d’a mandjaf suma dingâ mi.

Sunda hi suma a sunuzinid’a 13:1

Aduk suma tok suma Antiyos-sâ, suma djok vun Alona ki suma hat suma a nga, nala, Barnabas, Simeon ma a yum ala Ma wurana na, Lusiyus ma Siren-na, Manayen ma wul asem tazi kamulâ Herot-na ki Saul mi.

Sunda hi suma a sunuzinid’a 2:10

suma Frizi-na, suma Pamfili-na, suma Ezipte-na, suma yam andaga d’a Libi-d’ina, suma go ki Siren-na ki suma tcholï Rom-ma mi,

Sunda hi suma a sunuzinid’a 6:9

Wani suma dingâ aduk suma a nga kur gong nga toka hi Juif-fâ d’a a yat ala Gong nga toka hi magumei suma a mbut gro vutina na, a nga tchi tuguyod’a ki Etienne. Azi ni suma Siren-na, suma Alezandri-na, suma Silisi-na ki suma Asi-na mi.

Sunda hi suma a sunuzinid’a 7:58

A tanam mbei bugol azina, a durum kahinad’a, a tchumu. Suma glangâsâ a tchuk baru mazi ma ngolâ kä asem gor azongâ, simiyêm ala Saul.