Matiye 26:64 - Bible azumeina

⁶⁴ Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Matiye 26:64 ပူးပေါင်းရင်းမြစ်များ

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Daniel 7:13

Kid’a an nga ni gol vama nde tam mbei iran andjegena tua d’a, an gol wani, sana nga mi djï yam dugula d’igi gor sana na, mi mba, mi hut gen ma abizei ma dedei máma, a mbamzi avoromu.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Matiye 16:28

Gagazi, an nga ni dagiya, suma dingâ a nga aduk suma tchola kä wana a mba bo d’i, gak azi mba wan an Gor Sana mba ni mbeï kamul manda.

Matiye 22:44

Ma didina Alona mi de mi Salana ala: Ang kak ata bigan nda ndjufa, gak an mba ni tin mang suma djangûna ad’u asengû.

Matiye 24:30

Ata yi máma, simata hi an Gor Sanid’a mba d’i ndeï akulo. Kur bur máma andjaf suma yam andagad’ina pet a mba tchiya, a mba wan an Gor Sana mba ni mbeï kur d’ugula kad’enga ki subur ra ngola.

Matiye 25:31

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura.

Matiye 26:25

Judas ma hum abo sumina, mi djobom ala: Ma hat suma, ni an ndju? Jesus hulong dum ala: Ang de wa da’.

Matiye 27:11

Jesus mi nga tchola avok ma te yamba. Ma te yamba mi djobom ala: Angî amulâ hi Juif-fîna zu? Jesus mi hulong dum ala: Ang de wa da’.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Matiye 8:20

Jesus mi hulong dum ala: Beyaka ti nga ki zulud’u, aluweina a nga ki aziyaziya, wani an Gor Sana ni nga ki yima ni nik yan kuana d’i.

Marik 14:62

Jesus mi hulong dum ala: Ni anu. Wani agi pet mba wan an Gor Sana ni kaka sä ata bik ka ndjufa hAlo ma ad’engîd’a, agi mba wan an mbeï kur d’ugula akulo mi.

Wana ni Zla d’a Djivi d’a Luc mi b’irita 21:27

Ata yi máma, suma a mba wan an Gor Sana mba ni mbeï kur d’ugula kad’eng nga ngola ki subura mi.

Wana ni Zla d’a Djivi d’a Luc mi b’irita 22:69

Wani ki tchetchemba, an Gor Sana nga ni i á kak ata bik ka ndjufa hAlo ma ad’engîd’a.

Wana ni Zla d’a Djivi d’a Luc mi b’irita 22:70

Azi pet a dum ala: Na ni ang nAlona Goroma zu? Mi dazi ala: D’igi agi dagi na, an ni mamu.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Sunda hi suma a sunuzinid’a 1:11

a dazi ala: Agi suma Galile-na, ni kayam me ba, agi tchologi á gol akulod’a ge? Ni Jesus ma Alona hlum sä akulo adigagina, mba mi hulongî ni d’igi agi golom i mam mba sä akulod’a na mi.

Romê-na 14:10

Wani ni kayam me ba, ang ka sariyad’a yam wiyengâ ge? Wani ni kayam me ba, ang gol wiyengâ is ke? Kayam ei pet mba tcholei avok zlam mba ka sariyad’a hAlonid’a.

1 Tasaloni’â 4:16

Ei mba humi yid’a ki vun ma hed’a ki dela hi ma ngolâ hi malaikanina kadif fa bud’a hAlonid’a. Salad’a tamba mba mi tchugï asem kä kur akulod’a. Suma a he gagazid’a yam Jesus suma a bona a mba tchol akulo avok kikidji.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.