Matiye 26:61 - Bible azumeina

⁶¹ Sama wana mi dala: An ndak á to gong nga kud’ora hAlonid’a kä, an mba ni minit akulo kur bur ma hindina.

Matiye 26:61 ပူးပေါင်းရင်းမြစ်များ

Ad’u Tinda 19:9

Azi hulong dum ala: Ang hut tang ngeyo! Azi de kua ala: Sa máma mi mba ni mbeid’a adigeya, mi ndak á ka sariyad’a kei zu? Ang le hut tang ngei d’uo ni, ami lang ini vama tcho ma kal ma ami lum ini mi sum ndazinina. Azi hep Lot kad’enga, a hut go á hal á kus vun azina.

1 Amuleina 22:27

Ang dazi ala: Amulâ mi he vuna ala: Agi gagi sama wana dangeina, agi hum tena ngol luo mi na, agi hum mbina ngol luo mi, gak an hulongî avo ki halasa tua.

2 Amuleina 9:11

Jehu mi ndabua, mi hulong gen ndrom azigar suma nglona hamulîna. Azi djobom ala: Nana ge? Ma lili máma mi mba geveng nana ge? Jehu mi hulong dazi ala: Mi mba ni hawa ko. Agi wagi ma djok vun máma ki zla mam mba ded’a tetet.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Matiye 12:24

Kid’a Fariziyêna a hum hina d’a, a dala: Sa máma nga mi dik muzuk ma teteng ma tchona woi ni kad’eng nga Belzebul amulâ hi muzuk ma tchona mi humzid’a.

Matiye 26:62

Ma ngol ma ngat buzuna mi tchol akulo, mi djop Jesus ala: Ang nga de zla tu d’i? Ang nga hum zla d’a sum ndazina a nga tchugungzi kanga d’i?

Matiye 26:71

Kid’a mi nde woi á i avun agre’îd’a, wei d’a dinga ti wumu. Ti de mi suma a nga ata yi mámina ala: Sama wana ni ki Jesus ma Nazarat-na mi.

Matiye 27:40

A dum ala: Ang ma ala ang to gong nga kud’ora hAlonid’a kä ang minit akulo kur bur ma hindina na, ang sut tangû. Le angî Alona Goroma ni, ang tchugï aseng kä woi ata agu ma b’ala.

Matiye 27:5

Mi yagazi beged’a kä kur gong nga kud’ora hAlonid’a, mi ndabua, mi i tchuk ziyona kelemu.

Marik 14:58

Ami humumi mi dala: An mba ni to gong nga kud’ora hAlonid’a d’a suma a minit kabozid’a woyo, wani bugol kur bur ma hindina an mba ni min nda ding nga bei sana mi minit kabombid’a akulo.

Marik 15:29

Suma a nga kalâ a nga ngulumu, a nga kidjik yazi ala: Ahâ! Ang ma dala ang to gong nga kud’ora hAlonid’a kä ang mba minit akulo kur bur ma hindina na,

Wana ni Zla d’a Djivi d’a Luc mi b’irita 23:2

Azi nde tchugum zlad’a kam ala: Ami fami sama wana nga mi zut sum meina á tchol huneîd’a, nga mi d’el suma ala a he tara mi Sesar ri, nga mi dala mam tamba ni Christ, amulâ.

Jean 9:29

Ami wami ala Alona mi de zlad’a mi Moise. Wani sa máma, ami wami nga yima mi tcholï kuana d’i.

Sunda hi suma a sunuzinid’a 17:18

Suma hiu suma a nga hat suma yam ned’a hi suma Epikuri-na ki d’a hi suma Estoisi-nid’a a nde tchi tuguyod’a ki sed’emu. Suma dingâ a nga dala: Ma tchit máma mi min de nana ge? Suma dingâ a nga dala: Mam mi d’igi sama tchi wal zlad’a halo ma teteng ma dingîd’a na, kayam mi nga mi tchi wala yam Jesus ki tchol mam mba akulo aduk suma matnid’a.

Sunda hi suma a sunuzinid’a 18:13

A dala: Sama wana nga mi mbut hur suma kä ala a kud’or Alona d’igi gata hi Moise-sa ti de na d’i.

Sunda hi suma a sunuzinid’a 22:22

Suma a hum Paul gak ata yima mi mba ata zla ndatina. Ata yi máma, a er ad’uzi akulo ala: Sama hina na, tchum mbeyo, mi ndak á kak karid’a d’i.