Matiye 25:41 - Bible azumeina

⁴¹ An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 25:41 ပူးပေါင်းရင်းမြစ်များ

Sawal la giled’a 119:115

Agi suma asa’atna, agi hud’ugi sä woi dei ki sed’enu, kayam an ngomî vun ma hed’a hAlo manina.

Sawal la giled’a 119:21

Ang ngop suma yam mba ad’enga suma ang gazi vuna suma a vit tei yam vun mang ma hed’ina.

Sawal la giled’a 139:19

Alo mana, an min ala ang tchi suma asa’atna woi mbeî! Agi suma tchi matna, agi hud’ugi sä woi dei gevenu!

Sawal la giled’a 6:8

Iran zal wa abo tchina, iran gis wa abo tchi ma hohoud’a abo man suma djangûna.

Isai 66:24

Ata yima suma a mba buzuk abuna, a mba we mad’a suma a kak djangûna ki sed’ena tchuka kä. Ndjuvul ma atazina nga mi bo d’i, aku mazid’a nga d’i mit tei d’uo mi, a mba mbut ni vama ndjendjed’a ir suma pet mi.

Jeremi 17:5

Ma didina mi dala: Sama mi tin hurum yam sana d’oze mi deng tam yam sana mi wal lei ki an Ma didinina, an nga ni gum vuna.

Matiye 13:40

D’igi a tok barumba a nga ngalat tei na, fat ta dabid’a hi duniyad’id’a, a mba le ni na mi.

Matiye 13:42

A mba tchuguzi kur gring ma akud’a. Sä kua sum ndazina a mba tchiya, a mba mut siyazi mi.

Matiye 13:50

A mba tchuk suma tchona kur gring ma akud’a; ata yi máma a mba tchiya, a mba mut siyazi mi.

Matiye 18:8

Le abong ngoze aseng a nga ing kur tchod’a ni, ang kazi woyo, ang tchuguzi woi dei. Djivid’a hotei ang kal kur arid’a kabong tu d’oze aseng tu, kala abong djak koze aseng djak ing aduk aku d’a didinda d’a.

Matiye 25:42

Kayam meid’a ti tchanu, agi han nga vama te d’i; vunan mi so, agi han nga mbiyo ma tche d’i.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Matiye 7:23

Ata yi máma, an mba ni dazi woi ala: Agi suma le tchod’ina, an wagi nga d’i, agi hud’ugi sä woi dei gevenu.

Wana ni Zla d’a Djivi d’a Luc mi b’irita 13:27

Mam mba mi dagi kua ala: An nga ni dagi woi mbak: Agi pet ni suma le tchod’ina, an we nga yima agi tchologï kuana d’i, agi hud’ugi sä woi dei gevenu.

Wana ni Zla d’a Djivi d’a Luc mi b’irita 16:24

Mi nde mi tchiya, mi dala: Abun Abraham, ang wan hohowonu, ang sunï Lazar, kayam mi nik yam tchitchid’am aduk mbina, mi b’lengên ki sinanu, kayam an nga ni fe ndaka aduk akud’a heî.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

2 Tasaloni’â 1:9

Alona mba mi ka sariya d’a didinda kaziya. Sum ndazina a mba tchol lei dei avok Ma didina abo subura had’eng mambid’a.

Hebre-na 6:8

Wani le andagad’a nga d’i deî awei-avirina ki himbirâ ni, zlat nga d’i. Ar go Alona mba mi gat vuna, dabi mata ni ngala mi.

2 Pierre 2:4

Kayam Alona mi ar nga malaika suma a le tchod’ina hawa d’i, wani mi tchuguzi nga kä kur gring ma nduvun ma i’îli’â á ngomozi gak bur ma ka sariyad’a.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.