Matiye 25:1 - Bible azumeina

¹ Jesus mi had’azi kua ala: Ata yi máma, leu d’a akulod’a mba d’i hle tat ni d’igi gro yugunei suma dogo suma a yo lalam mazid’a a buzuk á d’ugol sala telina na.

Matiye 25:1 ပူးပေါင်းရင်းမြစ်များ

Sawal la giled’a 45:14

Amulâ goromba nga d’i wile kur azina hamulîna, baru mata ni d’udjod’a ki lora.

Sawal la kal teglesa 1:3

Mbul mang ma his ma afufuî ma tetengâ, mi his djivid’a; simiyêngî d’igi mbul ma his ma afufuî ma nga mi b’rau woi ata yinina na mi. Kayam ndata, gro yuguneina a nga le kangû!

Sawal la kal teglesa 5:16

Vunam mbulâ, zlam lan heî! Agi yugunei suma Jerusalem-ma, wana ni ma an le kam heîna, wana ni banan ma kokodjona!

Sawal la kal teglesa 5:8

Agi yugunei suma Jerusalem-ma, an nga ni djobogiya: Le agi fagi ma an hurun vum heîna ni, agi mba duma na ge? Agi dum ala an mbut wa amangeîd’a kur od’a.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Matiye 13:24

Jesus mi dazi zla d’a d’ogol la dinga kua ala: Leu d’a akulod’a ti hle tat ni d’igi sama yak awu ma djivina kur asinema na.

Matiye 13:31

Jesus mi dazi zla d’a d’ogola kua ala: Leu d’a akulod’a ti hle tat ni d’igi ir mutar ma sana mi hlum mi gum kä kur asinema na.

Matiye 13:38

Asinena ni duniyad’a; andjaf ma djivina ni gro suma a mba te leud’ina; barumba ni Ma tchona groma.

Matiye 13:47

Jesus mi had’azi kua ala: Leu d’a akulod’a ti hle tat ni d’igi abei ma a tchugum kä kur alumina na, mi tok andjaf kulufâ pet.

Matiye 20:1

Jesus mi had’azi kua ala: Leu d’a akulod’a ti hle tat ni d’igi samazì ma mi nde ki yorogo tcholol á hal suma sunda kur asinem ma guguzlud’ina na.

Matiye 22:2

Leu d’a akulod’a ti hle tat ni d’igi amul ma ding ma mi le te ma tela hi goromina na.

Matiye 25:7

Ata yi máma, gro yuguneina pet a tchol akulo, a nga min lalam mazid’a.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Matiye 9:15

Jesus mi dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i! Wani burâ nga mi mba, a mba hle sala tela woi adigaziya. Kur bur máma, a mba d’el tazi bei te tena tua.

Jean 18:3

Kayam ndata, Judas mi yoï azigarâ adesâ ki suma a ngom gong nga kud’ora hAlonid’ina. Ni suma nglo suma ngat buzuna azi ki Fariziyêna a sunuzïna. Azi mba ki lalamba kaku d’a ganda kahle suma sïna aboziya.

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Sunda hi suma a sunuzinid’a 20:8

Lalamba ablaud’a ti nga kur gong nga fiyak ka yam ndrata akulo d’a ami nga toka kuad’a.

1 Korente-na 11:2

An nga ni suburugi kayamba agi nga djib’eregi kan kur ahlena peta, agi nga tid’igi yam hat ta an had’agizid’a mi.

2 Korente-na 11:2

An nga ni le yungôra kagiya; ni yungôr ma tcholï ata Alonina, kayam agi ni d’igi gor wei d’a yed’et ta an kat mi mandjufîd’a na, nala Christ.

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

Vama ndum mbeina 14:4

Azi ni suma a mbut nga tazi ndjendjed’a karopma d’uo na, ni suma a ngom tazi ped’etna, ni suma a nga tit ad’u Gor timina ata yima lara ge pet ma mam nga mi i kuana, ni suma a guzuzi aduk suma, a hazi mAlona azi ki Gor timina avok kikidjina.

Vama ndum mbeina 19:7

Ei lei furîd’a, ei lei hur ma hapma, ei suburiziya, kayam yima tela hi Gor timinina mi mba wa, amamba ti min wa tat da’.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.

Vama ndum mbeina 21:9

Bugola, ma dingâ tu aduk malaika suma kid’iziya suma a nga ki angulei suma kid’iziya suma a nga oîd’a ki tugud’ei d’a tcho d’a kid’iziya d’a dabid’a abozina, mi mba, mi dan ala: Ang mbeya! An mba ni tagang atcha d’a tela hi Gor timinid’a.

Vama ndum mbeina 4:5

Wiled’a ki siwela ki breîd’a halonid’a a buzuk kei ata zlam mba amul ndata. Lalam mba akud’a kid’iziya nga d’i ngal avok zlam ndata, azi ni muzuk ma kid’iziyana hAlonina.

Vama ndum mbeina 8:10

Malaika ma hindina, mi bu adif mamba. Tchitchiu d’a ngola ti tcholï akulo nga d’i ngal d’igi akud’a na. Ti ndeï kä yam alum ma a walam mbei aduk hindina abom ma tuna, yam mbiyo ma laud’a mi.