Matiye 24:49 - Bible azumeina

⁴⁹ mba mi nde to ndrom suma sunda, mba mi te, mba mi tche zlapa ki suma a gurut ki sümina.

Matiye 24:49 ပူးပေါင်းရင်းမြစ်များ

Zla d’a d’ogolâ 23:20

Ang kak aduk suma a nga gurut ki süm guguzlud’ina d’oze aduk suma a nga mut hliuna agozlombina d’i.

Isai 56:12

Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Ezekiyel 34:3

Agi tchagi tumiyô suma d’orâ, agi tagi mbuluziya, agi tchugugi tumuzuzi atagiya, agi nga pologi tumiyôna d’i.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Matiye 18:28

Wani ma sun máma mi ndabua, mi fe ndram ma sun ma bal mama nga kam siled’a kisâ. Mi vum delem do ndinding, mi dum ala: Ang wuragan bal man ma kangâ.

Matiye 24:48

Wani le azong máma ni ma tchona ni, mba mi de kurum ala: Salana mba mi mba atogo d’i,

Matiye 24:50

Salama mba mi mba kur bur ma mam nga mi djubum mbuo na, ata yima mam we d’uo na mi.

Matiye 7:15

Jesus mi had’azi kua ala: Agi gologi tagi djivi ki suma djok vun suma ka zla suma a nga mba atagi ki bak tumiyôna atazina, wani kuruzi krovo ni ngû ma ayîna.

Jean 2:10

mi dum ala: Sama lara pî mi he ni suma süm ma djivina avok tua. Le azi tche a ndak wa tua ni, mi hazi ma abei ayîna tua. Wani ang ar ma djivina gak ki tchetchemba nana ge?

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

2 Korente-na 11:20

Le sana mi lagi magomba, d’oze le mi yogi ahle magina, d’oze le mi b’ad’agi ahle magina kad’enga, d’oze le mi subur tam kagiya, d’oze le mi tumugi iragi pî, agi nga vagi tagiya.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.

Jude 1:12

Sum ndazina a mbut ni vama dap asema ata yi magi ma darigïd’a, zulona nga lazi ki hop mazina d’uo mi. Azi ni d’igi d’ugul la bei mbina d’a simetna nga mi tchat tata d’a na. Azi ni d’igi agu ma le ni vun simetna pî nga mi vut tuo ma mi mit yam mbà ma a pad’am sideyem mbeina na.

Vama ndum mbeina 13:7

Alona mi aram lovota á dur ayîna ki sum mama mi kus kazi mi. Mi fad’enga yam andjafâ pet, yam suma pet, yam vun ma ded’a pet, yam andjaf suma lara ge pet mi.

Vama ndum mbeina 16:6

Kayam azi tchi sum mangâ azi ki mang suma djok vuna woyo, ni kayam ndata ba, ang hazi buzuna á tched’a wana, azi ndak kayam ndata mi.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

1 Samuel 2:29

Ni kayam me ba, agi nga mired’egi vama ngat buzuna ki he d’a hawa d’a an he vuna kat á handji kur gong man nda kud’orid’a ge? Eli, ni kayam me ba, ang he grongâ ngola kalan an nge? Ni kayam me ba, agi nga d’orogi tagi kahle suma djivi suma kal man suma Israel-lâ a nga mbandji á handji he d’a hawad’ina ge?