Matiye 24:37 - Bible azumeina

³⁷ Wani mbad’a hi an Gor Sanid’a mba d’i le ni d’igi burâ hi Noe-na na mi.

Matiye 24:37 ပူးပေါင်းရင်းမြစ်များ

Ad’u Tinda 6:8

Wani Noe ni sama djivina avok Ma didina.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Matiye 24:27

Ni d’igi alona mi wileï abo ma yorogona gak mi ndeza woi abo ma fladegena na, mbad’a hi an Gor Sanid’a ni na.

Matiye 24:3

Jesus mi nga kak kä yam ahina d’a Olif-fa. Mam suma hata a mba gevem vaziya, a djobom ala: Ang damiya, ahle ndazina a mba le ni mindja ge? Vama simat ma mba mi le ba suma a mba wala mba manga ki dabid’a hi duniyad’id’a a ar go na, ni me ge?

Matiye 24:30

Ata yi máma, simata hi an Gor Sanid’a mba d’i ndeï akulo. Kur bur máma andjaf suma yam andagad’ina pet a mba tchiya, a mba wan an Gor Sana mba ni mbeï kur d’ugula kad’enga ki subur ra ngola.

Matiye 24:39

Azi we nga va d’i, gak mbina mi mba mi yozi woi pet. Mbad’a hi an Gor Sanid’a mba d’i le ni hina dedege mi.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

2 Pierre 2:5

Alona mi ar nga duniya d’a adjeud’a hawa d’i, wani mi sut ni Noe ma tchi wal la d’ingêrîna ki suma kid’iziyana hol ata yima mi kus mbina yam suma tcho suma kur duniya ndatina.

2 Pierre 3:6

Hina mi, Alona mi b’lak duniya d’a adjeud’a woi ni ki mbiyo ma kus ma ngolâ mi.