Matiye 23:37 - Bible azumeina

³⁷ Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Matiye 23:37 ပူးပေါင်းရင်းမြစ်များ

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

Sawal la giled’a 17:8

Ang ngomon d’igi irang nga aduka na, ang bar gigingâng kan d’igi aleina na

Sawal la giled’a 36:7

D’ingêr manga nga d’i i akulo d’igi ahina d’a fiyaka na, sariya manga nga d’i i kä d’igi zul la yiyika na. Ma didina, ang nga ngom suma kahle suma a nga karid’ina mi.

Sawal la giled’a 57:1

Ni sawal la gile d’a David mi hlat mi hat mi ma ngolâ hi suma hle sawalina. Mi hlat ni kid’a mi ngei tam kur zul ahinad’a abo Saul-la.

Sawal la giled’a 63:7

Ata yima an nga ni bur kä na, an nga ni djib’er kangû, gak yima fod’a an nga ni dugot djib’era kangû.

Sawal la giled’a 91:4

Alona mi mining nga yima kaka ad’u gigingâmu; ang mba ngei tang kua. Gagazi mamba ni mbareid’a, ni kongrongâ mi.

Isai 5:4

Vama ar ma an bei lum mi guguzlu mandina ni me ge? An tin hurun ala mba d’i vud’un ni vut ta djivid’a ba, ni kayam me ba, ti vud’un vut ta tchod’a zang nge?

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Jeremi 26:23

A veï Uriya Ezipte, a mbam mamulâ. Amulâ mi tchumu, mi gum mad’am kur zula hi suma hawanid’a.

Jeremi 32:31

Kayam azì ma ngol wana nga mi djiwin ayî mana ki hur man ma zala akulo, tinï ad’ud’a ni kid’a a minimba dei gak ini. Kayam ndata, an nga ni hlum mbei avoronu!

Jeremi 35:15

An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Jeremi 36:26

Amulâ mi he vuna mi Jeramel amulâ goroma, Seraya Asriyel goroma ki Selemiya Abadel goroma ala a i yoï ma b’ir mbaktumba Baruk azi ki ma djok vun Alona Jeremi. Wani Ma didina mi ngeyeziya.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Jeremi 44:4

An sunugï azungeî man suma djok vuna pet burâ ki burâ á dagi ala: Ar agi lagi ahle suma ndjendje suma an noyôzina d’i.

Jeremi 6:8

Ndak Jerusalem, ndak hum gat ta an nga ni daksid’a. Le d’uo ni, an mba ni wal lei ki sed’egu, an mba ni mbud’uk djona, an mba ni mbud’uk ambas sa sa mba mi kak kurut tuo d’a mi.

Wana ni mbaktumba hi Oze-d’a 11:2

Wani Israel-lâ a wal tazi woi ki an Ma ni yazina, a hahle suma ngat buzuna mi Bäl, a ngal dubang ma his djivid’ina mi fileina mi.

Wana ni mbaktumba hi Oze-d’a 11:7

Sum mana a so tazi á wal tazi woi ki sed’enu, a nga yazi ala a mbut irazi yam an ma sä akulo ma kal teglesâ pî, sama adigazi ma hle tam hina b’ene’â nga d’i.

Wana ni mbaktumba hi Oze-d’a 7:13

Ni zla d’a hohoud’a kaziya, kayam azi wal lei dei ki sed’enu; b’laka nga d’i mba kaziya, kayam azi le tchod’a avoronu. An min á sud’uziya, wani azi dan ni zla d’a kad’a.

Zakari 1:4

Ar agi lagi d’igi abuyogi ngolo suma adjeuna na d’i. Suma djok vuna a dazi ala: Ma didin ma ad’engêm kal petna mi dala: Agi hulongôgï woi kur sun magi d’a tchod’a, kur tit magi d’a ata yat tuo d’a. Wani azi hum nga d’i, a djib’er nga yam zla d’a an Ma didina ni data d’uo mi.

Matiye 22:3

Mi sun azungeî mama á yumï suma mi yazi yam te ma telina, wani azi min á mba d’i.

Matiye 22:6

Suma hiuna a vik azungeî mama, a lazi ndaka, a tchaziya.

Matiye 23:30

Ladjï ei sä ni kur atchogoid’a habuyoi ngolod’a ni, ei mba zlabei ki sed’ezi á tchi suma djok vun Alona d’i.

Matiye 23:31

Kayam ndata, agi lagi glangâsâ kagi ala agi ni suma tchi suma djok vun Alonina grozi ngolona.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Wana ni Zla d’a Djivi d’a Luc mi b’irita 15:28

Wani gor ma ngolâ mi mbut ayîna, mi min kal avo d’i. Kayam ndata, abum ndeya, mi tchenemu.

1 Tasaloni’â 2:15

Juif-fâ ni suma tchi Salad’a Jesus azi ki suma djok vun Alonina, a djobomi vuna mi. A nga le Alona tam djivi d’i, a nga kak djangûna ki suma pet mi.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Wana ni mbaktum mba a b’irit yam Rut-ta 2:12

Ar Ma didina mi wuragak yam djivi mak ka ndak lata; ar Ma didina Alona hi Israel ma ndak mba á ngei tak atama, mi wuragak ngola!