Matiye 22:44 - Bible azumeina

⁴⁴ Ma didina Alona mi de mi Salana ala: Ang kak ata bigan nda ndjufa, gak an mba ni tin mang suma djangûna ad’u asengû.

Matiye 22:44 ပူးပေါင်းရင်းမြစ်များ

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 21:9

Amulâ, ang mba vik mang suma djangûna, ni kad’eng manga ba, ang mba yo suma a noyôngâ.

Matiye 22:45

Le David mi yum ala Salana ni, ni nana ba, Mesi mi mbut goroma ge?

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Wana ni Zla d’a Djivi d’a Luc mi b’irita 19:27

Wani man suma djangû suma a min an te kazi d’uo na, agi mbeyendjï ka hî, agi tchazi kä woi avoron wana.

Jean 20:28

Toma mi hulong dum ala: Angî Salana, Alo mana.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

1 Korente-na 15:25

Kayam ndata, Christ mba mi te leud’a gak Alona mba mi kus yam mam suma djangûna, mba mi mired’ezi kä kasemu.

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

Hebre-na 1:13

Alona mi de nga mi malaika mam tu ala: Ang kak ata bigan nda ndjufa, gak an mba ni mbut mang suma djangûna vama tin asengâ d’i.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Vama ndum mbeina 19:19

An we amburâ kamulei suma yam andagad’ina ki b’rang mazid’a, a tok tazi á dur ayîna ki mam ma mi nga kaka yam akulumina ki b’rang mamba mi.