Matiye 21:35 - Bible azumeina

³⁵ Suma sunda a yo azungeî mama, a to ma hina, a tchi ma hina, a dur ma hindina kahinad’a mi.

Matiye 21:35 ပူးပေါင်းရင်းမြစ်များ

1 Amuleina 18:13

Na ni salana, sa mi dang nga yam ahle suma an lazi ata yima Jezabel ti tchi suma djok vuna hi Ma didinina woina d’uo zu? An ngei suma djok vun Alona kis, an walazi dok vahl dok vahl kur zul ahinad’a mi, an hazi tena ki mbina mi d’uo zu?

1 Amuleina 18:4

Ata yima amula Jezabel ti tchi suma djok vuna hi Ma didinina, Obadiya mi sut suma dingâ kis, mi ngeyezi kur zul ahinad’a dok vahl dok vahl, mi hazi tena ki mbina ata yi máma mi.

1 Amuleina 19:10

Elie mi dum ala: Tan nga d’i lan zlezleû yam ang Ma didina Alo ma ad’engêng kal petna, kayam Israel-lâ a noî vun ma djin ma ang djinim ki sed’ezina woyo, a to yi mang ma teteng ma ngal ahle suma ngat buzuna woyo, a tchi mang suma djok vuna woi mi. An arî an van tu, azi nga halan á tchid’a mi!

1 Amuleina 19:2

Ata yi máma Jezabel ti ge sunda ata Elie, ti dum ala: Avin aboina hina dedege, le an tchang nga d’igi ang tchi suma djok vuna hi Bäl-lâ hina d’uo ni, ar alo ma teteng mi mban ndak ka ngol la kala kanu!

1 Amuleina 22:24

Ata yi máma na wat, Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

2 Sunda Hamuleinid’a 16:10

Asa hurum zal yam ma djok vun máma, mi gum dangeina, kayam hurum mi zal yam zla d’a ma djok vuna mi dumzid’a. Kur biza ndata, Asa mi nde djop vun suma dingâ aduk suma mi.

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Jeremi 26:8

Ata yima Jeremi mi dap zla d’a de d’a Ma didina mi hum vuna kat á ded’a mi suma petina, suma ngat buzuna, suma djok vuna ki suma hawana pet a vumu, a dum ala: Ang ndak á tchid’a!

Jeremi 37:15

Suma nglona huruzi mi zal ata Jeremi, a tomu, a gum dangeina avo hi Jonatan ma b’ir mbaktumba, kayam a mbud’um gong mamba gong nga dangeina.

Matiye 21:34

Kid’a yima duta ndaka, mi sun azungeî mama gen suma sun ndazina, kayam a vumï vud’a guguzlud’a hasinenid’a.

Matiye 21:36

Mi hulong sun azungeî suma dingâ ablaud’a kal suma avo’â, wani suma sun ndazina a lazi d’igi a le suma avo’â hina mi.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

Vama ndum mbeina 6:9

Ata yima Gor timina mi hô dubang ma vahlâ woina, an we suma a tchazi yam zlad’a hAlona suma a le glangâs mazi ma d’engzengîna. Azi nga kä ad’u yima ngal dubang ma his djivid’ina.