Matiye 21:32 - Bible azumeina

³² Kayam Jean ma le suma batemba mi mba atagi á tagagi lovot ta d’ingêra, wani agi hagi nga gagazid’a yam zla mamba d’i. Wani suma ve lombod’a azi karop suma gaulangâ a he gagazid’a yam zla mamba. Wani agi tagi wagi ahle ndazina hina pî, agi mbud’ugi nga hurugi á hagi gagazid’a yam zla mamba d’uo mi.

Matiye 21:32 ပူးပေါင်းရင်းမြစ်များ

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Matiye 11:18

Kayam Jean ma le suma batemba mi mba, mi te nga avu d’i, mi tche nga süm guguzlud’a d’i, wani suma a nga de kam ala: Mi nga ki muzuk ma tchona kurumu.

Matiye 21:25

Ma sunï Jean ma le suma batembina, nAlona d’oze ni suma zu? Azi nde tchi tazi gagad’a ala: Le ei dei wa ala: Alona mi sunumï ni mamu ni, mam mba dei ini ala: Ni kayam me ba, agi hagi gagazid’a kam mbuo ge?

Matiye 21:31

Aduk suma mbà ndazina, sama mi le minda habumbina ni nge ge? A hulong dum ala: Ma avo’â. Jesus mi dazi ala: Gagazi, an nga ni dagiya, suma ve lombod’a azi karop suma gaulangâ a nga kal kur leud’a hAlonid’a avorogiya.

Matiye 5:46

Le agi lagi ni yam suma a le kagina holu ni, agi mba fagi ni wuraga me abo Alona ge? Suma ve lombod’a a nga le hina mi d’uo zu?

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.

2 Pierre 2:21

Ladjï azi we lovot ta d’ingêr ndata d’uo ni, hotei kal la azi we vun ma he ma djivi ma Alona mi hazizina we ba, azi wal lei ki sed’emba.

Vama ndum mbeina 2:21

An arat wa yina kayam ti mbut hurut yam tcho mata, wani ndat min mbut hurut yam mizeu matna d’i.