Matiye 21:23 - Bible azumeina

²³ Ata yi máma, Jesus mi kal kur gong nga kud’ora Alonid’a, nde mi hat suma. Nglo suma ngat buzuna azi ki suma nglona hi Juif-fîna a mba, a djobom ala: Ni kad’eng nga lara ba, ang le kahle ndazina hina ge? Sama mi hang ad’eng ndata ni nge ba, ang nga le kahle ndazina hina ge?

Matiye 21:23 ပူးပေါင်းရင်းမြစ်များ

Buzuk ka Abud’a 2:14

Sa máma mi hulong dum ala: Ni nge mi tining amula ki ma ka sariyad’a kami ge? Ang hal á tchan d’igi ang tchi ma Ezipte-na kama na zu? Moise mi le mandarâ, mi dala: Gagazi, zla ndata suma humut wa da’.

Matiye 20:4

Mi dazi ala: Agi i lagi sunda kur asinen ma guguzlud’a mi, an mba ni hagi wurak ka ndaka. Azi i mi.

Matiye 21:24

Jesus mi hulong dazi ala: An nga ni djobogi zla tu mi. Le agi dan wa ni, an mba ni dagi yam ad’eng nga an nga ni lahle ndazina ki sed’eta mi.

Matiye 24:1

Kid’a Jesus mi ndabu woi kur gong nga kud’ora hAlonid’a nga mi id’a, mam suma hata a mba gevem á tagam minda hi gong nga kud’ora hAlonid’a.

Matiye 26:55

Ata yi máma, Jesus mi de mablau suma ala: Agi mbagi ki mbuguyo suma fuyogeina ki tutuguyona abogi á van d’igi sama kula na? Burâ ki burâ an nga kaka kur gong nga kud’ora hAlonid’a, nga ni hat suma, wani agi van nga d’i.

Wana ni Zla d’a Djivi d’a Luc mi b’irita 19:47

Nga mi hat suma kur gong nga kud’ora hAlonid’a teteu. Nglo suma ngat buzuna azi ki suma hat gata ki suma nglona hi sumina a nga halam á tchid’a.

Wana ni Zla d’a Djivi d’a Luc mi b’irita 20:1

Kur bur tu Jesus nga mi hat suma kur gong nga kud’ora hAlonid’a, nga mi tchazi wal Zla d’a Djivid’a mi. Nglo suma ngat buzuna azi ki suma hat gata ki suma nglona a mba atamu,

Sunda hi suma a sunuzinid’a 4:7

Kid’a azi mba ki Pierre azi ki Jean avorozid’a, a djobozi ala: Ni kad’eng nga lara d’oze ki simiyê nge ba, agi lagi kahle ndazina hina ge?

Sunda hi suma a sunuzinid’a 7:27

Wani ma nga mi le ndrama sulu’îna, mi zut Moise seyo, mi dum ala: Ni nge ba, mi tining amula ki ma ka sariyad’a kami ge?