Matiye 20:34 - Bible azumeina

³⁴ Jesus mi wazi hohowoziya, mi dozi iraziya. Ata yi máma na wat, irazi d’i mal leyo, a nga tit ad’um mi.

Matiye 20:34 ပူးပေါင်းရင်းမြစ်များ

Sawal la giled’a 119:67

Avok ka an bei ge yan kä tua d’a, an vit teyo; ki tchetchemba, an nga ni ngom zla manga.

Sawal la giled’a 119:71

Ata yima an nga kur ndakina ni vama djivina kanu, kayam an tin ad’ud’a á hat gat manga.

Sawal la giled’a 145:8

Ma didina, angî ma sumad’a, angî ma we hohowa sumina; hurung nga mi zal atogo d’i, wani angî ma o manga nga d’i dap puo na mi.

Matiye 14:14

Kid’a mi nde woi kur alumbid’a, mi wablau suma ngola. Hurum hat kaziya, mi sut suma tugud’ei suma a nga adigazina mi.

Matiye 15:32

Jesus mi yi mam suma hata gevemu, mi dazi ala: Hurun nga mi hat yam sum ndazina heî, kayam azi nga ki sed’en ini ni burâ hindi, a nga ki vama te d’i. An min tchuguzi avo ki meid’a tala meid’a ti ngrabazi glovod’o d’a d’i.

Matiye 20:33

Azi dum ala: Salamina, ang malami irami woyo.

Matiye 21:1

Kid’a Jesus azi ki sum mama a mba go ki Jerusalem-mba, a mba Betfage go kahina d’a Olif-fa. Jesus mi sun mam suma hata mbà,

Matiye 8:15

Mi dot abod’u, tat ta kumura ti arad’u, nga d’i lum sunda.

Matiye 9:29

Ata yi máma, mi tin abom iraziya, mi dazi ala: Yam he gagazi magid’a, iragi d’i mal leyo.

Matiye 9:36

Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

Marik 7:33

Mi vum mi im woi abo tu kablau suma, mi kal tchitchid’am humamu, mi tuvo ayôna abomu, mi domzi sinamu.

Wana ni Zla d’a Djivi d’a Luc mi b’irita 18:43

Ata yi máma na wat, iram mal leyo, mi i ad’u Jesus, nga mi subur Alona. Suma a wahle ndazinina pet a nga gile Alona mi.

Wana ni Zla d’a Djivi d’a Luc mi b’irita 22:51

Wani Jesus mi hulong dazi ala: Agi aragiya! Ndak da’! Mi dom humamu, mi tchilimziya.

Wana ni Zla d’a Djivi d’a Luc mi b’irita 7:13

Ata yima Salad’a mi watna, mi wat hohowod’u, mi dat ala: Ndak tchi d’i.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.