Matiye 20:21 - Bible azumeina

²¹ Jesus mi djobot ala: Ndak min ni me ge? Ti hulong ti dum ala: Ang he vuna mi gron suma mbà wana ala fata ang kak kur leu mangid’a, tu mi kak ata bigang nga ndjufa, ma hina mi kak ata bigang nga gulad’a mi.

Matiye 20:21 ပူးပေါင်းရင်းမြစ်များ

1 Amuleina 2:19

Ndat i gen amulâ Salomon á dum zla d’a djivid’a yam Adoniya. Amulâ mi tchol lei akulo á ngavad’u, mi grif kä avorod’u. Bugola, mi hulong mi kak akulo yam zlam mam mba amula. Azong mama mi tin zlam mba dinga yam bigam mba ndjufa; asum ti kak kua.

1 Amuleina 3:5

Kid’a Salomon mi sä Gabawon tua d’a, Ma didina mi dum adïd’a andjege ala: Ang tchenen vama ang minima, an ni hangziya!

Ester 5:3

Amulâ mi djobot ala: Amula Ester, ni me ge? Ndak min ni me ge? Le nabo leu manda pî, an mba ni haksiya.

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 45:9

Mbul ma his ma afufuîna, nala, mirâ, alowena ki kasâ, a nga his ata baru mangâ. Ata yima ang nga nde woi kur azì mang ma a minim djifâ ki sï ahlo’îna, suma a nga gileng ki furîd’a kadingâ.

Jeremi 45:5

Ang nga halî ahle suma nglona kang ang zu? Ang halazi d’i, kayam an nga ni mba ki ndaka yam suma pet. Ata yima lara ma ang mba i kuana pet, an mba ni hang ari manga ni d’igi vama a hurumumï avun ayînina na. An Ma didina ni de na.

Matiye 18:1

Ata yi máma, suma hata a mba gen Jesus, a djobom ala: Sama mba mi kak ma ngolâ kur leu d’a akulod’ina ni nge ge?

Matiye 19:28

Jesus mi hulong dazi ala: Gagazi, an nga ni dagiya, fata Alona mba mi mbut ahlena pet awilid’a ata yima an Gor Sana mba ni kak yam zlam manda suburina, agi suma dogo yam mbà suma nga tid’igi ad’una, agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna mi.

Matiye 20:22

Wani Jesus mi hulong dat ala: Agi wagi nga vama agi tchenema d’i. Agi ndagagi á tchagi kop ma kid’eî ir ma an mba ni tchuma zu? Azi hulong dum ala: Ami ndagamiya.

Matiye 20:32

Jesus mi tchola, mi yazïya, mi djobozi ala: Agi min ala an lagi ni me ge?

Marik 10:51

Jesus mi hulong dum ala: Ang min ala an langî me ge? Ma duka mi dum ala: Salana, ar ang malan iran ndeyo.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Marik 6:22

Herodiyas gorota ti kal kur yima luna, nga d’i lü ndjongâ. Herot tam mbi lum djivid’a heî yam ndjong matna, zlapa ki suma a nga kak kä ki sed’ema mi. Wani amulâ Herot mi de mi gora ala: Vama ndak minima, ndak tchenenu, an haksiya.

Wana ni Zla d’a Djivi d’a Luc mi b’irita 18:41

Ang min ala an langî me ge? Mi dum ala: Salana, ar ang malan iran ndeyo.

Wana ni Zla d’a Djivi d’a Luc mi b’irita 19:11

Jesus mi de zla d’a d’ogola kua mi suma a mba á hum zla ndatina. Azi djib’er ala Alona nga mi mba ni ka tchetchem á te leu mamba, kayam mam mi go ki Jerusalem.

Wana ni Zla d’a Djivi d’a Luc mi b’irita 22:24

Gagad’a tchol aduk suma hata ala ni nge ba, ma ngolâ adigazi ge?

Jean 15:7

Le agi nga kaka zlapa tu ki sed’enu, le zla manda nga kaka kurugi mi ni, agi tchenegi ni me pî ma agi minigizi abo Abuna, agi mba fagiziya.

Sunda hi suma a sunuzinid’a 1:6

Suma a nga toka gen Jesus-na a djobom ala: Salad’a, ni ki tchetchemba ba, ang mba hulong he leud’a mi Israel-lâ zu?

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

Romê-na 8:34

Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

Kolos-sâ 3:1

Alona mi tchologi akulo á kak karid’a zlapa tu ki Christ. Kayam ndata, ar agi halagi nahle suma sä akulona, ata yima Christ mi nga kaka kua ata Alona bigam mba ndjufina.