Matiye 20:14 - Bible azumeina

¹⁴ Ang hle manga, ang iya. An min he suma danana d’igi an hang ang na mi.

Matiye 20:14 ပူးပေါင်းရင်းမြစ်များ

2 Amuleina 10:16

Jehu mi dum ala: Ang mbeï i ki sed’enu, ang mba we vama djivi ma an mba ni lum yam Ma didinina. Ni hina ba, mi hlum kur pus mama.

Matiye 20:13

Mi hulong ded’a mi ma ding tu adigazi ala: Bäna, an lang nga tcho d’i, ang ndjak vunang ki sed’en ni yam sile d’a tud’a d’uo zu?

Matiye 20:15

Djivid’a an le vama hurun mina ki bege manda d’uo zu? Ang le yungôra ni kayambala an ni sama djivina d’a zu?

Matiye 6:16

Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Matiye 6:2

Kayam ndata, ang le nga he he d’a hawa manga mi suma houd’a ni, ar ang tchi wala kat d’igi suma lop ira a nga le kur gongîyo mazi suma toka ki grak lovota na d’i. A le hina kayam suma a suburuziya. Gagazi, an nga ni dagiya, a fe wa wurak mazid’a da’.

Matiye 6:6

Wani ata yima ang min á tchen Alonina, ang kal klavi hatangû, ang duk vun gong manga, ang tchen Abung ma nga ata yima ngeid’ina. Abung ma we ata yima ngeid’ina mba mi wuragangû.

Wana ni Zla d’a Djivi d’a Luc mi b’irita 15:31

Abum mi dum ala: Gorona, ang nga ki an teteu, ahle mana pet ni mangâ.

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Romê-na 3:4

Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala: Suma a mba wang Ma d’ingêrâ nata zla mang nga ded’a. Le azi mbang ata yima ka sariyad’a ni, ang mba kus kaziya.