Matiye 2:18 - Bible azumeina

¹⁸ A hum dela avo Rama. Suma a nga tchi tchi ma hohoud’a ngola. Rachel nga d’i tchi yam grotna, ti min b’leng hur ma suma a b’lengêt tchina d’i, kayam grotna a mid’a d’a.

Matiye 2:18 ပူးပေါင်းရင်းမြစ်များ

Ad’u Tinda 37:30

mi hulongî gen b’oziyoma, mi dazi ala: Gor máma nga d’i; an le ni nana ge?

Ad’u Tinda 42:36

Jakob mi dazi ala: Agi ban ndi grona woi mbà; Josef nga d’i, Simeon nga d’i. Agi min vagi Benjamin kua; ndak ndata pet mba ni kanu.

Wana ni mbaktumba hi Job-pa 14:10

Wani le sana mi mid’a ni, zlam dap da’. Gagazi, sana mi mid’a, a dok fumî lara d’ei ge?

Jeremi 31:15

Ma didina mi dala: A hum dela avo Rama. Ni hor ma tchina, ni tchi ma hat hurâ mi. Rachel nga d’i tchi yam grotna, ti noî b’leng hur ma suma a b’lengêt tchina yam grotna, kayam a bo da’.

Jeremi 4:31

Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.

Ezekiyel 2:10

Mi b’er mbaktum ndata woi avogonu. A b’ir kurut mi na, a b’ir huyogot mi. Zla d’a a b’irit kuad’a ni hor ma tchina, yor tad’a ki zam tad’a mi.

Matiye 2:17

Ahle ndazina a le hina á ndak vun zla d’a ma djok vun Alona Jeremi mi dat ala:

Wana ni Zla d’a Djivi d’a Luc mi b’irita 8:52

Suma pet a nga tchiya, a nga tchabozi kuruzi yam gor ndata. Wani Jesus mi dazi ala: Agi tchigi d’i, kayam ti mit nga d’i, wani ti burî sena.

Vama ndum mbeina 8:13

An gola, an hum dela hagigilau ma pirï akulo kur simetnina nga mi de ki delem akulo ala: Ni zla d’a hohoud’a, ni zla d’a hohoud’a, ni zla d’a hohoud’a yam suma a nga kaka yam andagad’ina, fata malaika suma hindina a bu adif mazid’id’a.