Matiye 18:7 - Bible azumeina

⁷ Ni zla d’a hohoud’a yam suma yam andagad’a suma a nga lahle suma a tchuk suma kur tchod’ina. Mbeî ahle suma a tchuk suma kur tchod’ina a mba mba, wani ni zla d’a hohoud’a yam sama mi mba kahle ndazinina.

Matiye 18:7 ပူးပေါင်းရင်းမြစ်များ

Ad’u Tinda 13:7

Yalâ tchol aduk suma pola hi Abram-ma ki suma pola hi Lot-na. Suma Kanan-na ki suma Peris-sâ a nga kaka yam andaga ndata tua.

2 Samuel 12:14

Wani kayamba ang le tchod’a ang he lovota mi suma djangûna hi Ma didina á lazam ba, gor ma Batseba ti vud’ungzina mba mi mit teyo.

Matiye 16:23

Wani Jesus mi mbut iram mi de mi Pierre ala: Seitan, iza woi hina dei ad’unu, ang hal á pugun kur tchod’a, kayam djib’er manga nga ni djib’era hAlonid’a d’i, wani ni djib’era hi sumid’a.

Matiye 26:24

An Gor Sana nga ni i á matna d’igi a b’ir kan kur mbaktumba hAlonid’a na. Wani ni zla d’a hohoud’a yam sama kol ma mba mi han an Gor Sana abo sumina. Sa máma ladjï a vud’um mbuo pî ni, hotei.

Marik 13:7

Fata agi humugi siwela hayî ma durâ, agi mba humugi zla ayîna ni, ar vunadigagi d’i pat ti, kayam ahle ndazina mbeî a mba le, wani nad’u dabid’a hi duniyad’id’a d’i.

Wana ni Zla d’a Djivi d’a Luc mi b’irita 17:1

Jesus mi de mi mam suma hata ala: Mbeî ahle suma tchuk suma kur tchod’ina a mba mba, wani ni zla d’a hohoud’a yam sama mi mba kahle suma tchuk suma kur tchod’ina.

Jean 17:12

Kid’a an nga ki sed’ezid’a, an ngomozi ki simiyêng ma ang handjina, an nga ni ngomozi mi. Sa adigazi tu ba nga woi d’i, ni ma a tinim á bad’a woina hol, kayam zla d’a a b’irit kur mbaktum mangid’a ti ndak memet.

Sunda hi suma a sunuzinid’a 1:16

B’oziyona, mbeî zla d’a b’ir ra Muzuk ma bei tchod’a ba na mi dat avun David yam Judas ma mba mi tak lovota mi suma á ve Jesus-nid’a ti ndaga.

1 Korente-na 11:19

Djivid’a wala mba adigagi hina á we suma gagazi suma adigagina.

1 Timote 6:1

Ar suma a nga kur magombina pet a ge yazi kä avok suliyozina d’igi suma ndak á hud’ina na, kayam azi ngul simiyê Alona ki hat meid’a d’i.

Wana ni mbaktum mba Paul mi b’irit mi Tit-ta 2:5

á kak irazi sik, á ngom tazi ped’et, á le sunda djivid’a kur aziyaziya, á ge yazi kä ad’u andjuviyoziya, kayam suma a fe lovota á las zlad’a hAlonid’a d’i.

Wana ni mbaktum mba Paul mi b’irit mi Tit-ta 2:8

Ang de ni zla d’a irata bei sana mi vang ki zla d’a bad’a, kayam mang suma djangûna a mbut zulona tala a de zla d’a tchod’a kei d’uo d’a.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

1 Samuel 2:17

Ni hina ba, Eli groma a nga le tcho d’a ngola avok Ma didina, kayam azi nga b’lak he d’a hawa d’a a nga mbamzid’a.