Matiye 18:15 - Bible azumeina

¹⁵ Jesus mi had’azi kua ala: Le wiyengâ mi lang tchod’a ni, ang i fumu, ang tagam tcho mamba, ang ki mam mbà go. Le mi humungû ni, ang fe wa wiyengâ.

Matiye 18:15 ပူးပေါင်းရင်းမြစ်များ

Sawal la giled’a 141:5

Ar sama d’ingêrâ mi tonu, ni vama djivina kanu. Ar mi ngobonu, wana ni mbul ma vondji kana. An mba ni fut yan ndei d’i, wani tchen manda mba d’i tchol akulo á kak djangûna ki suma murud’umba.

Zla d’a d’ogolâ 11:30

Sun nda led’a hi suma d’ingêrîd’a nagu ma harid’ina. Sama ned’a nga mi hal lovota á fe suma.

Sunda hi suma hi Levi-nid’a 19:17

Ang ve wiyengâ kurung ngi, ang ngop ndrangâ yam tcho mamba. Hina wani, tcho mamba mba d’i vang ngi.

Matiye 18:14

Kayam ndata, Abugi ma sä akulona mi min ala ma tu ma aduk gugurei suma wana mi ba woi d’i.

Matiye 18:21

Ata yi máma, Pierre mi mba gen Jesus, mi djobom ala: Salana, wiyena mi lan tchod’a ni yam ga ba, an vat hurun ndei kam tua ge? Gak yam kid’iziya zu?

Matiye 18:35

Jesus mi de kua ala: Le nge nge pî adigagi mi vat nga hurum mbei yam wiyema d’uo ni, Abun ma sä akulona mba mi vat hurum mbei kam mbuo mi.

Romê-na 12:21

Ar tchod’a ti kuzugi d’i, wani agi kuzugi tchod’a ki djivi d’a led’a.

1 Korente-na 8:12

Wani ata yima agi lagi tchod’a mi b’oziyogi suma amangeîna, agi hazi mbilâ kuruzi mi na, agi lagi tcho ndata ni mi Christ tamba.

2 Korente-na 7:12

Wani an b’irigi mbaktum ndata ni yam sama mi le tchod’ina d’oze ni kayam sama mi lum tchod’ina d’uo, wani ni kayam agi wagi hat hur magina kami avok Alona.

Galat-na 6:1

B’oziyona, le sana mi puk kur tchod’a ni, agi suma Muzu’â hAlonina nga mi tagazi lovotina, agi hulongôm kur lovot ta d’ingêra ki lulumad’a. Wani ar nge nge pî adigagi mi gol tam djiviya, ar mi puk kur tcho ndata d’i.

Kolos-sâ 3:13

Agi vagi tagi yam tagiya, agi vad’agi hurugi woi yam tagi mi. Le sa adigagi mi nga ki zlad’a ki ndrama ni, ar a vat huruzi woi yam tazi d’igi Salad’a hurum vat tei kagi na mi.

1 Tasaloni’â 4:6

ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.

2 Tasaloni’â 3:15

Ar agi golomî d’igi magi ma djangûna na d’i, wani agi gad’am d’igi wiyegina na.

Wana ni mbaktum mba Paul mi b’irit mi Tit-ta 3:10

Sama nga mi mba ki wala aduk Tokina, ang gad’am yang tu d’oze mbà. Bugola, ang wal lei ki sed’emu.

1 Pierre 3:1

Agi aropma, agi gagi yagi kä ad’u andjuviyogiya, kayam suma dingâ adigazi suma a he nga gagazid’a yam zlad’a hAlonid’a d’uo na, a mba he gagazid’a yam tit magid’a bei agi dazi zlad’a,