Matiye 17:6 - Bible azumeina

⁶ Ata yima suma hata a hum del ndatina, a puk kä abo mandarâ.

Matiye 17:6 ပူးပေါင်းရင်းမြစ်များ

1 Sunda Hamuleinid’a 21:16

David mi hle iram akulo, mi we malaikana hi Ma didinina, mi nga tchola aduk andagad’a kakulod’a, mbigeu d’a fiyaka nga pata woi abomu, mi mbut iram yam azì ma Jerusalem-ma. Ata yi máma David ki suma nglo suma a tchuk baru d’a dodora atazina, a grif kä ki irazi andaga.

Ezekiyel 3:23

An tchola, an i kur hora. Gol wani, subura hi Ma didinid’a nga tchola d’igi sana na hle tat d’igi subur ra an wat avun alum ma Kebar-rid’a na. Ata yi máma an ge tan kä avoromu.

Ezekiyel 43:3

Vama mi nde tam mbei iran máma mi ni d’igi vama mi nde tam mbei iran adjeu ata yima Alona mi mba á b’lak Jerusalem-ma na, mi ni d’igi vama mi nde tam mbei kid’a an nga avun alum ma Kebar-rîd’a na mi. An grif kä avoromu.

Daniel 8:17

Gabriel mi hut geven ata yima an nga tchola kuana. An le mandarâ, an puk kä ki iran andaga. Wani mi dan ala: Ang gor sana, ang huma. Vama nde tam mbei irang máma ni yam dabid’a hatchogoid’id’a.

Sunda hi suma hi Levi-nid’a 9:24

Akud’a ti tcholï avok Ma didina, ti ngal vama ngat buzu ma ngala ki mbulâ akulo yam yima ngal ahle suma ngat buzuna woyo. Suma pet a wad’u, a er ad’uzi akulo, a le furîd’a, a grif kä, a kulup irazi kä andaga.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 17:7

Jesus mi mba, mi doziya, mi dazi ala: Agi tchologi akulo, agi lagi mandar ri.

Sunda hi suma a sunuzinid’a 22:7

An puk kä, an hum dela nga d’i dan ala: Saul, Saul, ni kayam me ba, ang djobon vunan hina ge?

Sunda hi suma a sunuzinid’a 26:14

Ata yima ami pet pugumi kä na, an hum dela dan ki vun Hebre-na ala: Saul, Saul, ni kayam me ba, ang djobon vunan hina ge? Ad’enga ki sed’eng heî á yet vun leleuna.

2 Pierre 1:18

Kid’a ami nga ki sed’em yam ahinad’a hAlonid’id’a, ami humumi del la tcholï akulo ndata.

Suma ka sariyad’a 13:20

Ata yima akud’a sinat nga d’i trâ akulo yam yima ngal ahle suma ngat buzuna ti i irat akulo hur alonina, malaikana hi Ma didinina nga mi djak akulo aduk sin akud’a yam yima ngal ahle suma ngat buzuna. Ata yima Manowa azi kamamba a we hina na, a grif kä andaga.

Suma ka sariyad’a 13:22

Manowa mi de mamamba ala: Gagazi, ei mba boi ni woyo, kayam ei wei Alona!