Matiye 17:18 - Bible azumeina

¹⁸ Jesus mi ngop muzuk ma tchona; mi nde woi kur gorâ. Ata yi máma gorâ mi tchol akulo.

Matiye 17:18 ပူးပေါင်းရင်းမြစ်များ

Matiye 12:22

Bugola, a mbamï sama duk ma ad’enga ki sed’em á de zlad’a woina, kayam mam nga ki muzuk ma tchona kurumu. Jesus mi sud’umu. Sa máma nde mi de zlad’a, iram mal lei mi.

Matiye 15:28

Ata yi máma, Jesus mi hulong dat ala: Atchad’a, he gagazi maka ngola. Mba le ki sed’ek d’igi ndak min na. Ata yi máma, gorota ti tchol akulo woi kur tugud’ei mata.

Matiye 17:17

Jesus mi hulong dazi ala: Agi suma bei he gagazid’a suma bei hum vuna suma kur atchogoî d’a wandina, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya.

Matiye 17:19

Bugola, suma hata a mba gen Jesus gumun vaziya. A djobom ala: Ni kayam me ba, ami ndak á dik muzuk ma tcho máma woi d’uo ge?

Matiye 9:22

Wani Jesus mi mbut iram mi golod’u, mi dat ala: Goronda, ndak ve tagu, he gagazi maka sud’uk wa da’. Ata yi máma, buzu mat ma djang mi ka mi.

Marik 1:34

Mi sut ablau suma kur andjaf tugud’ei mazi d’a teteng nga nga d’i lazi ndakid’a, mi dik muzuk ma tchona woi ablaud’a kur suma mi. Mi ar nga muzuk ma teteng ma tchona a de zlad’a d’i, kayam me mi wum tetet.

Marik 5:8

Mi de hina kayam me Jesus mi dum avok ala: Muzuk ma tchona, ang nde woi kur sa máma.

Wana ni Zla d’a Djivi d’a Luc mi b’irita 4:41

Muzuk ma tchona ablaud’a a buzuk kei kur suma, a er ad’uzi akulo ala: Angî Alona Goroma! Wani Jesus ngoboziya, mi arazi nga lovota á de zlad’a d’i, kayam azi wum ala mam mi Mesi.

Wana ni Zla d’a Djivi d’a Luc mi b’irita 8:29

Kayam Jesus mi he vuna mi muzuk ma tchona á nde woi kur sa máma. Adjeu muzuk ma tcho máma nga mi lum ndak ka ngola; suma a nga djinim ki kindjingâ, wani nga mi tchal ahlena pet suma a djinim ki na woyo, muzuk ma tchona mi digim abagei mi.

Wana ni Zla d’a Djivi d’a Luc mi b’irita 9:42

Kid’a gor máma mi mba go ki Jesus-d’a, muzuk ma tchona mi tchum kä, nga mi mbuzuk kä dudu. Wani Jesus mi ngop muzuk ma tchona, mi sut gor máma, mi hulongôm mabumu.

Sunda hi suma a sunuzinid’a 16:18

Ti le hina burâ ngola. Ata yi máma, Paul hurum zala, mi mbut iram mi de mi muzuk ma tcho máma ala: An hang vuna ki simiyê Jesus Christ, ang nde woi kurud’u. Ata yi máma na wat, mi nde woi mi.