Matiye 15:27 - Bible azumeina

²⁷ Wani ti dum ala: Ang de nata yad’u, Salana, hina pî, adurei suma gureina a nga te bubuk avu ma nga mi yak kä ad’u tabulâ hi suliyozinina.

Matiye 15:27 ပူးပေါင်းရင်းမြစ်များ

Ad’u Tinda 32:10

an kid’ak kei ata djivi manga ki d’engzeng manga pet suma ang lazi ki an azong mangîna. Adjeu an djak alum ma Jurdê-na ni ki totogod’a abonu; ki tchetchemba, an nga kadesâ mbà.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Daniel 9:18

Alo mana, ang tin humang ang huma, ang mal irang ngeyo, ang gol b’lak mamid’a ki b’laka hazì ma ngol ma simiyêng nga mi yi kuana, nga ni yam sun mami d’a d’ingêra ba, ami nga tcheneng tchen nda hu d’a wanda d’i. Ni yam we hohou mang nga ngola hol.

Matiye 15:26

Jesus mi hulong dat ala: Nga djivid’a á hlavuna hi gugureinina á gum madureina d’i.

Matiye 15:28

Ata yi máma, Jesus mi hulong dat ala: Atchad’a, he gagazi maka ngola. Mba le ki sed’ek d’igi ndak min na. Ata yi máma, gorota ti tchol akulo woi kur tugud’ei mata.

Matiye 5:45

Hina wani, agi mba mbud’ugi nAbugi ma sä akulona groma, kayam nga mi deî afata yam suma tchona, yam suma djivina mi, nga mi se alona yam suma djivina, yam suma tchona mi.

Matiye 8:8

Ma ngol ma azigarâ abom kisâ mi hulong dum ala: Salana, an ndak nga d’ala ang kal avo hatanu d’a d’i, wani ang de ni zlad’a tu go; azong mana mba mi tchol akulo.

Marik 7:28

Wani ti hulong dum ala: Salana, ang de nata yad’u, wani adureina a nga te bubuk avuna hi gugureina ma nga mi yak kä ad’u tabulîna ko.

Wana ni Zla d’a Djivi d’a Luc mi b’irita 16:21

Mi min á te bubuk te ma nga mi yak kä ad’u tabulâ hi sama ndjondjoînina. Adureina pî a mba a trâm mbilimu.

Wana ni Zla d’a Djivi d’a Luc mi b’irita 18:13

Wani ma ve lombod’a mi tchol bugol sä woi hina dei, mi min hle iram akulo d’uo ko, wani nga mi tchi abom kurum ala: Alona, ang wan hohowonu, an ni sama tchona.

Romê-na 10:12

Ni hina ba, wala nga aduk Juif-fâ kandjaf suma dingâ d’i, kayam azi pet, Salazina ni tu. Nga mi hahle mam suma djivina mi suma a nga yuma pet.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Romê-na 3:29

Nani Alona nAlona hi Juif-fîna hol zu? Mam mAlona handjaf suma dingîna mi d’uo zu? Gagazi, mam mAlona handjaf suma dingîna mi.

Romê-na 3:4

Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala: Suma a mba wang Ma d’ingêrâ nata zla mang nga ded’a. Le azi mbang ata yima ka sariyad’a ni, ang mba kus kaziya.

Efes-sâ 3:19

Hina wani, agi mba fagi ad’enga á we ki od’a hi Christ sa sana mi ndak á wat ad’ut pepet tuo d’a, kayam agi wagi oî d’a memeta hAlonid’a.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,