Matiye 15:14 - Bible azumeina

¹⁴ Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.

Matiye 15:14 ပူးပေါင်းရင်းမြစ်များ

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Isai 42:19

Ma duka ni nge ge? Nazong mana d’uo zu? Ma ngela ni nge ge? Ni ma an sunuma d’uo zu? Ma duk ma d’igi ma an sunuma na na ni nge ge? Ma ngel ma d’igi azongâ hi Ma didinina na na ni nge ge?

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

Isai 9:16

Kayam ndata, Salad’a tam nga d’i lum djivid’a yam azungeî mazina d’i, nga mi we hohowa mazi suma hokuyod’a karop mazi suma modonod’a d’uo mi. Kayam azi pet ni suma ndjendjed’a, ni suma asa’atna, ni suma a nga de zla d’a ata yat tuo d’ina mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Wana ni mbaktumba hi Oze-d’a 4:17

Suma Efraim-ma a zlap tazi ki fileina, agi araziya!

Malatchi 2:8

Ma didin ma ad’engêm kal petna mi dala: Wani agi d’ezegi woi kur lovota, agi mbud’ugi hat magid’a ni vama dap asema mi suma ablaud’a, agi b’lagagi vun ma djin ma an djinim ki suma hi Levi-nina.

Wana ni Zla d’a Djivi d’a Luc mi b’irita 6:39

Jesus mi dazi zla d’a d’ogola kua ala: Ma duka ndak á tan ndram ma duka zu? Le mi le na ni, azi djak a mba tchuk kä kur zula.

Jean 9:39

Jesus mi dala: An mba kur duniyad’a ná ka sariyad’a, kayam suma bei wed’a a we, suma wed’a a duk mi.

1 Timote 6:5

ki tuguyod’a hi suma djib’er mazid’a b’lak keina. Zla d’a gagazid’a nga kuruzi d’i, a nga djib’er ala he gagazi d’a yam zlad’a hAlonid’a ni lovot ta fe beged’a.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

2 Pierre 2:17

Azi ni golongeî suma bei lau mbina, azi ni d’igi d’ugul la babarâ nga mi tchat tatad’a na. Alona nga mi ngom zul la nduvun nda yiyika kaziya.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.