Matiye 13:52 - Bible azumeina

⁵² Mi dazi ala: Kayam ndata, sama hat gat ma lara pî ma mbut tam ma hata yam leu d’a akulod’ina, mi hle tamî d’igi samazì ma nga mi yoï ahle mam suma awilina ki suma adjeuna woi ata yazi ma ngeid’ina na.

Matiye 13:52 ပူးပေါင်းရင်းမြစ်များ

Esdras 7:10

Kayam Esdras mi he tam á wäd’u zlad’a hAlonid’a, á tit yam gata hAlonid’a, á hat Israel-lâ yam gata hAlonid’a ki vun ma he ma tetengâ mi.

Esdras 7:21

An amulâ Artazerses ni he vuna mi agi suma ngom beged’a pet suma sä abo alum ma Efrat-na abom ma fladegenina ala agi hagi beged’a nenet mi ma ngat buzuna Esdras ma we mbaktum ma we gata hAlo ma akulonina kahlena pet suma mam mba mi djobogi kazina.

Esdras 7:6

Mi tcholï Babilon, ni ma we mbaktumba, ni ma we gat ta Ma didina Alona hi Israel-lîna mi hat mi Moise-sina. Ma didina Alo mama mi nga ki sed’emu. Kayam ndata, amulâ mi hum ahlena pet suma mi tchenem kazina.

Zla d’a d’ogolâ 11:30

Sun nda led’a hi suma d’ingêrîd’a nagu ma harid’ina. Sama ned’a nga mi hal lovota á fe suma.

Zla d’a d’ogolâ 15:7

Zla d’a ti ndavun suma ned’id’a ti ya’î wed’a, wani suma lilid’a djib’er mazid’a ti nga hina d’i.

Zla d’a d’ogolâ 18:4

Zla d’a de d’a avun sanid’a ti ni d’igi galilei ma yiyi’â na, sidei ned’a ni d’igi mbiyo ma nga mi lau gugu’â na mi.

Sawal la kal teglesa 7:13

Ei mba i avin yorogo tcholol ata yima guguzlud’a á goleizi na ni ti gat wa ko zu? D’oze b’o mata buzuk wa woi zu? D’oze agu grenatna mi b’o wa zu? Ata yi máma an mba ni tagang o manda.

Matiye 12:35

Sama djivina mi nde ni kahle suma djivi suma mi togozi kuruma woi abua, sama tchona mi nde ni kahle suma tcho suma mi togozi kuruma woi abu mi.

Matiye 13:51

Jesus mi djop mam suma hata ala: Agi wagi ad’u ahle ndazina pet tchu? A hulong dum ala: Â.

Matiye 13:53

Ata yima Jesus mi dap zla mam mba d’ogolâ ded’a dapma, mi tchol ata yi máma, mi iya.

Matiye 23:34

Kayam ndata, an nga ni sunugi suma djok vuna azi ki suma ned’a ki suma hat gata. Agi mba tchagi suma dingâ, agi mba b’alagi suma dingâ akulo ata aguna, agi mba togi suma dingâ kur gongîyo magi suma toka, agi mba digigi suma hiuna á lazi ndaka kur azina kur azina mi.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Wana ni Zla d’a Djivi d’a Luc mi b’irita 11:49

Kayam ndata, Alona kur ne mamba mi dala: An mba ni sunuzi man suma djok vuna azi ki suma a sunuzina. Suma a mba tchi suma adigaziya, a mba djop vun suma adigazi mi.

Jean 13:34

An nga ni hagi vun ma he ma awilina ala: Ar agi lagi yam tagiya. D’igi an le kagi na, ar agi lagi yam tagi na mi.

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

Efes-sâ 3:4

Kur ndumba agi mba wagi wäd’u manda yam zla d’a mudurid’a hi Jesus Christ-sa.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Kolos-sâ 1:7

d’igi ndrami ma sunda Epafras ma ami lami kam heîna mi had’agi na. Mam mi ma sun ma d’engzengâ hi Christ-sâ kagiya.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

1 Timote 3:6

Ni ma mbut hurum awilina d’i, dam mba mi hle yam akulo, mi nde kur sariyad’a a kat yam Diable-d’a.

Wana ni mbaktum mba Paul mi b’irit mi Tit-ta 1:9

Ni ma ve tam ad’enga kur hat ta gagazid’a á had’amzid’ina, kayam mi ndak á giget suma dingâ kur hat ta gagazid’a, á ngop suma a nga tchi tuguyod’a ki zlad’a hAlonid’ina mi.