Matiye 13:23 - Bible azumeina

²³ Ma mi nde ata andaga d’a djivid’ina ni sama hum zlad’a, mi wat ad’ud’u, mi tchuk grona, ma dingâ mi le irâ kis, ma dingâ mi le irâ dok karagaya, ma dingâ mi le irâ dok hindi mi na.

Matiye 13:23 ပူးပေါင်းရင်းမြစ်များ

Ezekiyel 18:31

Agi hagi azigagi mi tcho magi d’a agi lata, agi mbud’ugi hurugi awilid’a, agi mbud’ugi muzugagi awilid’a mi. Agi Israel-lâ, ni kayam me ba, agi tchagi tagi woi ge?

Ezekiyel 36:26

An mba ni hagi hur ma awilina, an mba ni hagi muzuk ma awilina kurugiya, an mba ni pat hurugi ma ad’enga d’igi ahinad’a na na woyo, an mba ni hagi hurâ hi sanina kurugiya.

Matiye 12:33

Jesus mi had’azi kua ala: Le aguna mi djivid’a ni, vud’umî djivid’a mi. Wani le aguna mi tchod’a ni, vud’um pî ni tchod’a mi, kayam a waguna ni ki vud’umu.

Matiye 13:8

Ma dingâ mi nde ata yima andaga d’a djivid’a, mi le irâ, ma dingâ kis, ma dingâ dok karagaya, ma dingâ dok hindi mi.

Matiye 3:10

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Matiye 3:8

Agi lagi ni sun nda memeta á tak kei ala agi mbud’ugi wa hurugiya d’a.

Marik 10:15

Gagazi, an nga ni dagiya, sama lara pî, le mi ge yam kä yam leud’a hAlonid’a d’igi gogorâ hina d’uo ni, mba mi kal kurut ti.

Marik 4:20

Ma ding ma mi nde ata andaga d’a djivid’ina, mi ni d’igi suma a hum zlad’ina na. Azi vat kuruziya, ti le sunda kuruzi mi. Ma dingâ mi le irâ dok hindi, ma dingâ mi le irâ dok karagaya, ma dingâ mi le irâ kis mi.

Wana ni Zla d’a Djivi d’a Luc mi b’irita 13:9

dam mba mi vud’a. Wani le mi vut nga d’uo ni, ang mba kam mbei tua.

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Wana ni Zla d’a Djivi d’a Luc mi b’irita 8:8

Ma dingâ mi nde kur andaga d’a djivid’a. Kid’a mi deîd’a, mi wula, mi tchuk yamu, mi le irâ kis. Kid’a nga mi de zla ndatid’a, mi dazi kua ala: Sama nga ki humba á humbina, ar mi huma.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Jean 8:47

Sama hAlonina nga mi hum zlad’a hAlonid’a, wani agi nga humugizi d’i, kayam agi nga ni suma hAlonina d’i.

Sunda hi suma a sunuzinid’a 16:14

Atcha d’a dinga, simiyêt ala Lidi, ti hum zla mamid’a. Natcha d’a kur azì ma ngol ma Tiyatir-rîd’a ni d’a nga d’i gus baru d’a hleud’a woid’a, ni d’a nga d’i kud’or Alonid’a. Salad’a mi malat hurut á hum zla d’a Paul nga mi data.

Sunda hi suma a sunuzinid’a 17:11

Sum ndazina djib’er mazid’a djivid’a kal Juif suma Tasaloni’â, kayam a ve zla ndata kabozi ma mbàna. A nga hal kur mbaktumba hAlonid’a burâ ki burâ á wahle suma Paul mi dazina ni gagazi zu?

2 Korente-na 9:10

Alo ma handjafâ mi sana á zara mi hum tena mi na, mba mi hagi andjaf ma lara ge pet ma agi minima, mba mi wulum mi, kayam sun magi d’a d’ingêra ti zul avogovogo.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Filip-ma 4:17

Wani an halî he d’a hawad’a d’i, wani an min ala djivi magid’a ti i avogovogo.

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

Kolos-sâ 1:6

Zla ndata ti mba hatagi d’igi ti b’rau yam andagad’a pet na, nga d’i vud’a, nga d’i zul avogovogo, d’igi nga d’i ladigagi na mi. Ata yima agi humugizina, agi wagi ala ni suma d’a gagazid’a hAlonid’a,

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

2 Tasaloni’â 2:10

á lop suma a nga ba woina pet, kayam azi noî á le yam gagazid’a á fe suta.

Hebre-na 4:2

Kayam ei humi Zla d’a Djivid’a d’igi suma hur fulîna a humut na mi. Azi humud’u, wani azi le nga sunda kat ti. Kayam ata yima azi humutna, azi he nga gagazid’a kat tuo mi.

Hebre-na 6:7

Ata yima andagad’a nga d’i tche mbiyo alo ma nga mi se kat teteu, nga d’i deî andjaf ma djivina mi suma a nga zumutna mi d’a, Alona nga mi b’e vunam kat mi.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.